45 വയസിന് മുകളില് പ്രായമുള്ള ആരും തന്നെ വാക്സിന് എടുക്കാന് വിമുഖത കാണിക്കരുതെന്ന് ആരോഗ്യവകുപ്പ്

45 വയസിന് മുകളില് പ്രായമുള്ള എല്ലാവര്ക്കും ഏപ്രില് ഒന്ന് മുതല് വാക്സിന് നല്കുന്നതിന് വിപുലമായ സംവിധാനങ്ങള് ഏര്പ്പെടുത്തിയതായി ആരോഗ്യ വകുപ്പ് അറിയിച്ചു. കേന്ദ്ര, സംസ്ഥാന സര്ക്കാര് ആശുപത്രികള്, സര്ക്കാര് നിശ്ചയിച്ചിട്ടുള്ള സ്വകാര്യ ആശുപത്രികള്, പൊതുകെട്ടിടങ്ങള് എന്നിവിടങ്ങളില് വാക്സിനേഷന് സൗകര്യം ലഭ്യമാണ്. 45 വയസിന് മുകളില് പ്രായമുള്ള ആരും തന്നെ വാക്സിന് എടുക്കാന് വിമുഖത കാണിക്കരുത്. മറ്റ് സംസ്ഥാനങ്ങളില് കോവിഡ് കേസുകള് വര്ധിക്കുന്ന സാഹചര്യത്തില് ഈ വിഭാഗത്തിലെ എല്ലാവരും കോവിഡ് വാക്സിന് സ്വീകരിക്കേണ്ടത് കോവിഡ് പ്രതിരോധ പ്രവര്ത്തനങ്ങള് ഊര്ജിതമാക്കുവാന് അത്യാവശ്യമാണെന്ന് സ്റ്റേറ്റ് മെഡിക്കല് ബോര്ഡ് വിലയിരുത്തി. 23 ന് പ്രസിദ്ധീകരിച്ച സീറോ സര്വൈലന്സ് പഠന റിപ്പോര്ട്ട് പ്രകാരം സംസ്ഥാനത്ത് 89.3 ശതമാനം ആളുകള് കോവിഡ് ഇതുവരെ ബാധികാത്തവരാണ്. കേരളത്തില് ആദ്യ കേസ് റിപ്പോര്ട്ട് ചെയ്ത ഒരു വര്ഷത്തിന് ശേഷവും 10.7 ശതമാനം ആളുകള്ക്ക് മാത്രമേ രോഗബാധ ഉണ്ടായിട്ടുള്ളു.
https://www.facebook.com/Malayalivartha


























