മദ്യലഹരിയില്‍ കുടുംബത്തിലെ നാലു കുട്ടികള്‍ ഉള്‍പ്പെടെ ആറുപേരെ ചുട്ടുകൊന്നു. കുടകിലെ പൊന്നംപേട്ടക്കടുത്ത ഹൈസൊഡലൂരിലാണ്​ നാടിനെ നടുക്കിയ ദുരന്തം. മുഗുട്ടഗേരിയിലെ കെ.എം. ചിട്ടിയപ്പ വസന്ത്​ എന്നയാളുടെ എസ്​റ്റേറ്റിലെ ജീവനക്കാരനായ പണി എരവ സമുദായത്തിലെ ബോജയാണ്​ (52)​ മദ്യലഹരിയില്‍ സ്വന്തം കുടുംബത്തിലെ ആറുപേരെ പെട്രോള്‍ ഒഴിച്ച്‌​ ചുട്ടു കൊന്നത്​.

ശനിയാഴ്​ച പുലര്‍ച്ചെ രണ്ടോടെയാണ്​ സംഭവം. ബോജ​െന്‍റ ഭാര്യ ബേബി (41), ബേബിയുടെ മാതാവ്​ സീതെ (58), പ്രാര്‍ഥന (ആറ്​) എന്നിവര്‍ സംഭവസ്​ഥലത്തും, ബോജ​​െന്‍റ പേരമക്കളായ പ്രകാശ്​ (ആറ്​), വിശ്വാസ്​ (മൂന്ന്​), അവിനാശ്​ (ഏഴ്​) എന്നിവര്‍ മൈസൂരിലെ കെ.ആര്‍. ആശുപത്രിയിലുമാണ്​ മരണപ്പെട്ടത്​. ബോജ​െന്‍റ മകന്‍ മഞ്​ജുവും തോലനും രക്ഷപ്പെട്ടു.

ഭാര്യയുമായി വഴക്കുണ്ടാക്കിയ​ ബോജ കുടുംബത്തെ ചുട്ടുകരിക്കുകയായിരുന്നുവെന്ന്​ പൊലീസ്​ പറഞ്ഞു. നിത്യവും വഴക്കുണ്ടാക്കുന്നത്​ കാരണം ബേബിയും മക്കളും പേരമക്കളും മറ്റൊരു തോട്ടത്തിലെ വീട്ടിലായിരുന്നു താമസം. രാത്രി ബോജ വീടി​െന്‍റ കതകുകള്‍ പുറത്തുനിന്നും താഴിട്ട്​ പൂട്ടി മുകളില്‍ കയറി ഓടുകള്‍ എടുത്ത്​ പെട്രോള്‍ ഒഴിച്ചാണ്​​ കൊലപാതകം നടത്തിയത്​. സംഭവത്തിനുശേഷം ബോജ ഓടിരക്ഷപ്പെട്ടു. ഇയാള്‍ക്കു വേണ്ടി പൊലീസ്​ തിരച്ചില്‍ തുടരുന്നു.

കാനൂര്‍ ഗ്രാമത്തെ നടുക്കിയ സംഭവത്തില്‍ ഗ്രാമത്തിലുള്ളവര്‍ക്ക്​ ശനിയാഴ്​ച നേരം പുലര്‍ന്നത്​ ഇൗ ദുരന്ത വര്‍ത്ത കേട്ടായിരുന്നു. ​പൊന്നംപേട്ട പൊലീസ്​ കേസെടുത്തിട്ടുണ്ട്​. മൃതദേഹങ്ങള്‍ ഗോണിക്കുപ്പ ആശുപത്രിയില്‍ ഇന്‍ക്വസ്​റ്റ്​ നടത്തി. തെക്കന്‍ മേഖല ഐ.ജി മധുകര്‍ പവാര്‍, എസ്​.പി. ക്ഷമാ മിശ്ര എന്നിവര്‍ സ്​ഥലം സന്ദര്‍ശിച്ചു.