സ്ത്രീധനം നല്കാൻ വിസമ്മതിച്ച വധുവിനെ ഭർതൃ വീട്ടുകാർ നഗ്നയാക്കി മർദിച്ചു. ഒഡീഷയില്‍ കേന്ദ്രപാറ ജില്ലയിലാണ് 24 കാരിയെ ക്രൂരമായി മർദിച്ചത്.

യുവതിയെ ക്രൂരമായി മര്‍ദിക്കുന്ന വിഡിയോ ദൃശ്യങ്ങള്‍ പുറത്തുവന്നിരുന്നു. ദൃശ്യങ്ങള്‍ സമൂഹമാധ്യമങ്ങളില്‍ തരംഗമായതോടെയാണ് ​ നാടിനെ ഞെട്ടിച്ച സംഭവം പുറത്തറിഞ്ഞത്.

നിരവധി പുരുഷന്‍മാര്‍ വടി ഉപയോഗിച്ച്‌​ വളഞ്ഞ് യുവതിയെ മര്‍ദിക്കുന്നത്​ വിഡിയോയില്‍ വ്യക്തമായി കാണാവുന്നതാണ്.

നിലത്ത് വീണുകിടക്കുന്ന യുവതിയെ വീണ്ടും അടിക്കുകയും നഗ്​നയാക്കിയശേഷം മര്‍ദനം തുടർന്നുകൊണ്ടിരുന്നു. ഒരു സ്​ത്രീ യുവതിയുടെ ദേഹത്ത്​ വസ്​ത്രം വലിച്ചിടുന്നതും പുരുഷന്‍മാരെ തള്ളിമാറ്റുന്നതും വിഡിയോയിൽ കാണുന്നുണ്ട്.

ക്രൂര മര്‍ദനത്തിനെതിരെ യുവതിയുടെ അമ്മാവന്‍ പൊലീസില്‍ പരാതി നല്‍കി. സംഭവത്തില്‍ അന്വേഷണം ആരംഭിച്ചതായും പൊലീസ്​ പറഞ്ഞു.ഗ്രാമത്തിലെ ചിലര്‍ യുവതിയെ അക്രമത്തില്‍ നിന്ന്​ രക്ഷിക്കാന്‍ ശ്രമിക്കുന്നുണ്ടായിരുന്നു.