ഇന്ത്യയിൽ ഇത്തവണ സാധാരണ കാലവര്ഷമെന്ന് റിപ്പോർട്ട്... കേരളത്തില് കൂടുതല് മഴ ലഭിക്കാന് സാധ്യത...
16 APRIL 2021 03:38 PM IST
മലയാളി വാര്ത്ത
ഇന്ത്യയിൽ ഈ വര്ഷം ഇടവപ്പാതി (തെക്ക് പടിഞ്ഞാറന് കാലവര്ഷം) സാധാരണ മഴ ആയിരിക്കും നല്കുക എന്ന് കേന്ദ്ര കാലാവസ്ഥ വകുപ്പ് അറിയിച്ചു.
അതേസമയം, കേരളത്തില് ഇത്തവണ കാലവര്ഷം സാധാരണയില് കൂടുതലാവാന് നേരിയ സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ ആദ്യ ഘട്ട മണ്സൂണ് പ്രവചനത്തില് മനസ്സിലാക്കാൻ സാധിക്കുന്നത്.
ഇന്ത്യയില് ജൂണ് മുതല് സെപ്റ്റംബര് വരെയുള്ള ശരാശരി മഴ ദീര്ഘകാല ശരാശരിയുടെ 98 % ആയിരിക്കുമെന്നാണ് കാലാവസ്ഥ വകുപ്പിന്റെ ആദ്യഘട്ട ദീര്ഘകാല പ്രവചനം സൂചിപ്പിക്കുന്നത്.
ഇന്ത്യയുടെ ദീര്ഘകാല ശരാശരി മണ്സൂണ് മഴ 88 സെ.മീ ആണ്. ഇത്തവണ കാലവര്ഷം സാധാരണയിലാകാന് 40% സാധ്യതയാണുള്ളത്. സാധാരണയില് കൂടുതല് മഴ ലഭിക്കാനുള്ള സാധ്യത 16 ശതമാനമാണ്.
സാധാരണയില് കുറഞ്ഞുള്ള മഴ ലഭിക്കാനുള്ള സാധ്യത 25 ശതമാനവുമാണെന്ന് പ്രവചനത്തില് സൂചിപ്പിക്കുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
