കാമുകിയുമായുള്ള സ്വകാര്യദൃശ്യങ്ങള് പരസ്യപ്പെടുത്തുമെന്ന് ഭീഷണിപ്പെടുത്തി കാമുകന്
കാമുകിയുമായുള്ള സ്വകാര്യദൃശ്യങ്ങള് പരസ്യപ്പെടുത്തുമെന്ന് ഭീഷണിപ്പെടുത്തി പണം തട്ടിയ സംഭവത്തില് കാമുകന് അറസ്റ്റില്. മുംബൈ സ്വദേശിയായ 24കാരനാണ് അറസ്റ്റിലായത്. ഒന്നിച്ചുള്ള സ്വകാര്യ ചിത്രങ്ങള് സോഷ്യല് മീഡിയയില് പ്രചരിപ്പിക്കുമെന്ന് ഭീഷണിപ്പെടുത്തി കാമുകിയുടെ വീട്ടുകാരില് നിന്നും ഒന്നരലക്ഷം രൂപയാണ് ഇയാള് തട്ടിയെടുത്തത്. 22കാരിയായ പെണ്കുട്ടി നല്കിയ പരാതിയുടെ അടിസ്ഥാനത്തില് നലസോപാറ പൊലീസ് ആണ് പ്രതിയെ അറസ്റ്റ് ചെയ്തത്.
പൊലീസ് നല്കുന്ന വിവരം അനുസരിച്ച് വിഹാര് സ്വദേശിയായ പെണ്കുട്ടിയും യുവാവും തമ്മില് രണ്ട് വര്ഷത്തോളം പ്രണയബന്ധത്തിലായിരുന്നു. വ്യത്യസ്ത മതവിഭാഗത്തില്പ്പെട്ട ഇരുവരുടെയും ബന്ധം വീട്ടുകാര് എതിര്ത്തു. ഇതിന് പിന്നാലെ തന്നെ യുവതിയുടെ വിവാഹം മറ്റൊരാളുമായി നിശ്ചയിക്കുകയും ചെയ്തു. ഈ വിവാഹത്തിനുള്ള ഒരുക്കങ്ങള് നടക്കവെയാണ് യുവാവ്, യുവതിയെ ബ്ലാക്ക് മെയില് ചെയ്യാന് ആരംഭിച്ചത്.
പണം നല്കിയില്ലെങ്കില് സ്വകാര്യവീഡിയോകള് സോഷ്യല്മീഡിയയില് അപ്ലോഡ് ചെയ്യുമെന്നായിരുന്നു ഭീഷണി. ഇതോടെ യുവതിയുടെ വീട്ടുകാര് ഇടപെട്ട് ഒന്നരലക്ഷം രൂപ നല്കുകയായിരുന്നു. എന്നാല് പണം വാങ്ങിയ ശേഷം ഇയാള് ഇരുവരും ഒന്നിച്ചുള്ള സ്വകാര്യദൃശ്യങ്ങള് യുവതിയുടെ ഭാവി വരന് അയച്ചു കൊടുക്കുകയായിരുന്നു. ഇതിനെ തുടര്ന്ന് വരന്റെ വീട്ടുകാര് വിവാഹം വേണ്ടെന്ന് വച്ചു. ഇതോടെയാണ് യുവതിയും വീട്ടുകാരും പരാതിയുമായി പൊലീസിനെ സമീപിച്ചത്. സാമ്ബത്തികചൂഷണത്തിന് കേസ് രജിസ്റ്റര് ചെയ്ത പൊലീസ് യുവാവിനെ അറസ്റ്റ് ചെയ്യുകയായിരുന്നു.
https://www.facebook.com/Malayalivartha