ജയലളിതയെ വെറുതെ വിട്ടതിനെതിരെ കര്ണാടക സുപ്രീം കോടതിയില്
ജയയെ വിടാന് ഭാവവില്ലാതെ കര്ണാടകം. ജയലളിതയെ വിട്ടയച്ച നടപടി നിയമവിരുദ്ധവും ഹൈക്കോടതി വിധി പരിഹാസ്യവുമാണെന്ന് കര്ണാടക. അനധികൃത സ്വത്ത് സമ്പാദനക്കേസില് തമിഴ്നാട് മുഖ്യമന്ത്രി ജെ.ജയലളിതയെ വെറുതെവിട്ട കര്ണാടക ഹൈക്കോടതി വിധിക്കെതിരെ കര്ണാടക സര്ക്കാര് സുപ്രീം കോടതിയില് അപ്പീല് നല്കി. കോടതി തെളിവുകള് കണക്കിലെടുത്തില്ല. കണക്കിലെ പിശകുകള് വിധിയെ അപ്രസ്തമാക്കുന്നുവെന്നും കര്ണാടക ചൂണ്ടിക്കാട്ടി.
19 വര്ഷം നീണ്ട നിയമപോരാട്ടത്തിനൊടുവിലാണ് കഴിഞ്ഞ മാസം ജയലളിതയെ കര്ണാടക ഹൈക്കോടതി കുറ്റവിമുക്തയാക്കിയത്. 1991 ലെ സര്ക്കാരിനെ നയിച്ച ജയലളിത 66.65 കോടി രൂപയുടെ അനധികൃത സ്വത്തു നേടിയെന്നായിരുന്നു പരാതി.ബംഗലൂരു വിചാരണ കോടതി 2014 സെപ്തംബര് 27ന് ശിക്ഷിച്ചതിനെ തുടര്ന്ന് മുഖ്യമന്ത്രി സ്ഥാനവും എം.എല്.എ സ്ഥാനവും നഷ്ടപ്പെട്ട ജയലളിത അഴിക്കുള്ളിലായിരുന്നു. തോഴി ശശികല നടരാജന്, അനന്തരവള് ഇളവരശി, അനന്തരവന് സുധാകരന് എന്നിവരെയും ശിക്ഷിച്ചിരുന്നു. പിന്നീട് സുപ്രീം കോടതിയില് നിന്ന് ജാമ്യം നേടി പുറത്തിറങ്ങിയ ജയലളിത ഹൈക്കോടതി വിധി വരുന്ന വരെ ഏകാന്തവാസത്തിലായിരുന്നു.
തമിഴ്നാട്ടില് ശനിയാഴ്ച നടക്കുന്ന ഉപതെരഞ്ഞെടുപ്പില് ജയലളിതയുടെ ജനിവിധി നിശ്ചയിക്കാനിരിക്കേയാണ് കര്ണാടക സുപ്രീം കോടതിയെ സമീപിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
