കോണ്‍ഗ്രസ് അധ്യക്ഷ സോണിയാ ഗാന്ധിയുടെ മകള്‍ പ്രിയങ്കയെയും ഭര്‍ത്താവ് റോബര്‍ട്ട് വധേരയെയും ലണ്ടനില്‍ വച്ച് കണ്ടു എന്നാണ് മോദി ഇന്ന് ട്വിറ്ററിലൂടെ വെളിപ്പെടുത്തിയത്. മോദിയുടെ യാത്രാ രേഖ വിവാദം കേന്ദ്ര സര്‍ക്കാരിനെതിരായ ആയുധമാക്കി ശക്തമായ പ്രതിഷേധവുമായി രംഗത്തെത്താന്‍ ഒറുങ്ങുന്ന കോണ്‍ഗ്രസിന് തന്നെ മോദിയുടെ വെളിപ്പെടുത്തല്‍ തിരിച്ചടിയായി.
കേന്ദ്ര വിദേശകാര്യ മന്ത്രി സുഷമാ സ്വരാജിന്റേയും രാജസ്ഥാന്‍ മുഖ്യമന്ത്രി വസുന്ധര രാജെയുടേയും രാജി ആവശ്യപ്പെടുന്ന കോണ്‍ഗ്രസിനെ പ്രതിരോധത്തിലാക്കുന്നതാണ് മോദിയുടെ പുതിയ വെളിപ്പെടുത്തല്‍. \'ഗാന്ധി കുടുംബത്തെ ലണ്ടനില്‍ വച്ച് കാണാന്‍ കഴിഞ്ഞതില്‍ സന്തോഷമുണ്ട്. അവര്‍ക്കൊപ്പം ഡി.എല്‍.എഫിന്റെ മാനേജിങ് ഡയറക്ടര്‍ ടിമ്മി സിറാനയും ഉണ്ടായിരുന്നു. അയാളുടെ കൈവശം എന്റെ നമ്പര്‍ ഉണ്ട്. അവര്‍ക്ക് എന്നെ വിളിക്കാവുന്നതേയുള്ളു മോദി ട്വിറ്ററില്‍ കുറിച്ചു.
അതിനിടെ, വിവാദ വ്യവസായി ലളിത് മോദിക്ക് യാത്രാ അനുമതി ലഭിക്കുന്നതിനുള്ള രേഖകളില്‍ ഒപ്പിട്ടത് താന്‍ തന്നെയാണെന്ന് രാജസ്ഥാന്‍ മുഖ്യമന്ത്രി വസുന്ധര രാജെ സിന്ധ്യ സമ്മതിച്ചിരുന്നു. ലളിത് മോദിക്ക് യാത്രാ രേഖകള്‍ ലഭിക്കുന്നതിന് ഇന്ത്യന്‍ അധികാരികള്‍ അറിയരുതെന്ന മുന്നറിയിപ്പോടെ വസുന്ധര ഒപ്പിട്ട് നല്‍കിയ സത്യവാങ്മൂലം കഴിഞ്ഞദിവസം കോണ്‍ഗ്രസ് പുറത്ത് വിട്ടതിന് പിന്നാലെയാണിത്. അതേസമയം, കേന്ദ്ര മന്ത്രി അരുണ്‍ ജെയ്റ്റ്‌ലി വസുന്ധരയെ പിന്തുണച്ചു. ബിജെപിയിലെ മന്ത്രിമാരാരും കളങ്കിതരല്ലെന്നാണ് ജെയ്റ്റ്‌ലി പറഞ്ഞത്.
കേന്ദ്ര മന്ത്രിമാരായ നിതിന്‍ ഗഡ്കരിക്കും സ്മൃതി ഇറാനിക്കുമൊപ്പം വസുന്ധര, 2011ല്‍ ലണ്ടന്‍ സന്ദര്‍ശിച്ചതിന്റെ വിശദാംശങ്ങളും നേരത്തെ പുറത്തുവന്നിരുന്നു. ഇവര്‍ ലളിത് മോദിയുമായി കൂടിക്കാഴ്ച്ച നടത്തുകയും ചെയ്തിരുന്നു. നേരത്തെ 2011 ഓഗസ്റ്റ് എട്ടിനാണ് വസുന്ധര രാജെ ലളിത് മോദിയുടെ ഇമിഗ്രേഷന്‍ അപേക്ഷയെ പിന്തുണച്ച് ബ്രിട്ടീഷ് അധികൃതര്‍ക്കു കത്തു നല്‍കിയത്. ഇന്ത്യയില്‍ ലളിത് മോദി രാഷ്ട്രീയ പീഡനത്തിന് വിധേയമായെന്നും അതിനാല്‍ ലണ്ടനില്‍ താമസിക്കാന്‍ അനുവദിക്കണം എന്നുമാണ് വസുന്ധര രാജെ ഈ രേഖയില്‍ പറഞ്ഞത്. ഐപിഎല്‍ മുന്‍ ചെയര്‍മാന്‍ ലളിത് മോദിയുടെ വിദേശയാത്ര വിവാദത്തില്‍ ഇതോടെ കോണ്‍ഗ്രസും പ്രതിരോധിത്തിലായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha