ശശി തരൂരിനെ നുണപരിശോധനയ്ക്ക് വിധേയനാക്കാന്‍ പ്രത്യേക അന്വേഷണ സംഘം ആലോചിക്കുന്നു. ഇതിനായി കേസ് പരിഗണിക്കുന്ന ഡല്‍ഹി പാട്യാല ഹൗസ് കോടതിയില്‍ അപേക്ഷ നല്‍കാന്‍ അന്വേഷണ സംഘത്തിനിടയില്‍ ധാരണയായിട്ടുണ്ട്. കേസിന്റെ അന്വേഷണവുമായി ബന്ധപ്പെട്ട് തരൂരിന്റെ സഹായി നാരായണ്‍ സിംഗ്, സുഹൃത്ത് സഞ്ജയ് ദിവാന്‍, െ്രെഡവര്‍ ബജ്‌റംഗി എന്നിവരടക്കം ആറു പേരെ നേരത്തെ നുണപരിശോധനയ്ക്ക് വിധേയരാക്കിയിരുന്നു.
അതേസമയം, നുണപരിശോധനാഫലം കോടതി തെളിവായി സ്വീകരിക്കില്ല. എന്നാല്‍, അന്വേഷണം മുന്നോട്ട് കൊണ്ടുപോവാന്‍ നുണപരിശോധന അത്യവശ്യമാണെന്നാണ് അന്വേഷണ സംഘത്തിന്റെ നിലപാട്. കേസുമായി ബന്ധപ്പെട്ട് എഴുപത് പേരെ പൊലീസ് ചോദ്യം ചെയ്യുകയും 20 മൊബൈല്‍ ഫോണുകള്‍ ഫോറന്‍സിക് പരിശോധനയ്ക്ക് അയയ്ക്കുകയും ചെയ്തു.

സുനന്ദയുടെ മരണവുമായി ബന്ധപ്പെട്ട നൂറ് ചോദ്യങ്ങളാണ് നുണപരിശോധനയില്‍ ഇവരോട് ചോദിച്ചത്. മരണത്തിനു ശേഷം സുനന്ദയുടെ ശരീരത്ത് കണ്ടെത്തിയ മുറിവുകള്‍ സംബന്ധിച്ച ചോദ്യവും ഇതില്‍ പെടുന്നു. എന്നാല്‍, പരിശോധനയ്ക്ക് വിധേയരായവര്‍ എല്ലാം തന്നെ തരൂരിന് സുനന്ദയും പാകിസ്ഥാനിലെ മാദ്ധ്യമ പ്രവര്‍ത്തക മെഹര്‍ തരാറുമായുള്ള ബന്ധത്തെ കുറിച്ചാണ് സംസാരിച്ചത്. മരണത്തിന് തലേദിവസം സുനന്ദയും തരൂരും തമ്മിലുണ്ടായ വാക്കുതര്‍ക്കത്തെ കുറിച്ചും ചോദിച്ചു. സുനന്ദയുടെ മൊബൈല്‍ ഫോണില്‍ കണ്ടെത്തിയ സന്ദേശങ്ങളും നുണപരിശോധനയിലെ ചോദ്യാവലിയില്‍ പെടുത്തിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha