സ്വവര്ഗരതി ക്രിമിനല് കുറ്റമല്ലാതാക്കുന്നത് എളുപ്പമല്ലെന്ന് സദാനന്ദ ഗൗഡ
ഇന്ത്യയില് സ്വവര്ഗരതി ക്രിമിനല് കുറ്റമല്ലാതാക്കുന്ന കാര്യത്തില് നിലപാടുമാറ്റി കേന്ദ്ര നിയമമന്ത്രി സദാനന്ദ ഗൗഡ. സ്വവര്ഗ രതി നിയമവിധേയമാക്കുന്ന കാര്യം പരിഗണിക്കാമെന്നു പറഞ്ഞ കേന്ദ്രമന്ത്രി, എതിര്പ്പുകളെത്തുടര്ന്ന് നിലപാടു മാറ്റി. രാജ്യത്ത് സ്വവര്ഗരതി നിയമവിധേയമാക്കുന്നത് എളുപ്പമല്ലെന്നാണ് കേന്ദ്രമന്ത്രിയുടെ പുതിയ നിലപാട്.
സ്വവര്ഗ വിവാഹം നിയമവിധേയമാക്കിയ യു.എസ്. സുപ്രീംകോടതി വിധിയെത്തുടര്ന്നായിരുന്നു ഇന്ത്യയില് സ്വവര്ഗരതിയെ ക്രിമിനല് കുറ്റമായി കാണുന്ന ഐ.പി.സി. 377ാം വകുപ്പ് ഒഴിവാക്കുന്ന കാര്യം പരിഗണിക്കുമെന്ന കേന്ദ്ര നിയമമന്ത്രി സദാനന്ദ ഗൗഡയുടെ പരാമര്ശം. വിധിയെക്കുറിച്ച് സമൂഹമാധ്യമങ്ങളില് വരുന്ന പ്രതികരണങ്ങള് സ്വവര്ഗരതി നിയമവിധേയമാക്കുന്നതിന് അനുകൂലമാണ് എങ്കിലും വിശദമായ കൂടിയാലോചനകള്ക്കു ശേഷം മാത്രമേ ഇക്കാര്യത്തില് അന്തിമ തീരുമാനമെടുക്കാന് കഴിയൂവെന്നും അദ്ദേഹം വ്യക്തമാക്കി. പരാമര്ശം വിവാദമായതോടെ തന്റെ വാക്കുകള് മാധ്യമങ്ങള് വളച്ചൊടിച്ചതാണെന്ന വിശദീകരണവുമായി സദാനന്ദ ഗൗഡ രംഗത്തെത്തി. ഐ.പി.സി. 377ാം വകുപ്പ് റദ്ദാക്കുമെന്ന് പറഞ്ഞിട്ടില്ലെന്നായിരുന്നു മന്ത്രിയുടെ വിശദീകരണം.
ലൈംഗിക ന്യൂനപക്ഷങ്ങളുടെ വിദ്യാഭ്യാസപരവും ജോലിപരവുമായ അവകാശങ്ങള് സംരക്ഷിക്കുന്നതിനുള്ള തിരുച്ചി ശിവയുടെ സ്വകാര്യ ബില് രാജ്യസഭ ഐകകണ്ഠേന പാസാക്കിയിരുന്നു. എന്നാല് ബില്ലില് സ്വവര്ഗ വിവാഹത്തിന് അംഗീകാരം നല്കുന്നതോ ഐ.പി.സി. 377 റദ്ദാക്കുന്നതോ പരാമര്ശിക്കുന്നില്ല. സ്വവര്ഗരതി ക്രിമിനല് കുറ്റമാണെന്ന വിധിക്കെതിരെ വിവിധ സംഘടനകള് നല്കിയ തിരുത്തല് ഹര്ജി സുപ്രീംകോടതിയുടെ പരിഗണനയിലാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
