ചെന്നൈ മെട്രോയിലെ \'ഉല്ലാസയാത്ര\'ക്കിടെ സ്റ്റാലിന് പ്രകോപനമില്ലാതെ സഹയാത്രികന്റെ മുഖത്തടിച്ചു
തമിഴ്നാട് മുന് ഉപമുഖ്യമന്ത്രിയും ഡിഎംകെ നേതാവുമായി എം കെ സ്റ്റാലിന് വിവാദത്തില്.എം കെ സ്റ്റാലിന് മെട്രോയാത്രക്കാരനെ മര്ദ്ദിച്ചതായി പരാതി. പുതുതായി ഉദ്ഘാടനം ചെയ്ത മെട്രോയില് സഹപ്രവര്ത്തകര്ക്കൊപ്പം ഉല്ലാസയാത്ര നടത്തുന്ന വേളയിലാണ് സ്റ്റാലിന് പ്രകോപനമില്ലാതെ യാത്രക്കാരനെ മര്ദ്ദിച്ചത്. മുഖത്തടിക്കുന്ന വീഡിയോ പുറത്തുവന്നതോടെ സംഗതി വിവാദമായി. ഇതോടെ സ്റ്റാലിനെതിരെ തമിഴ്നാട് മുഖ്യമന്ത്രി ജയലളിത രംഗത്തെത്തി.
ഇന്നലെയായിരുന്നു സംഭവം. മൂന്നു സെക്കന്ഡുള്ള വിഡിയോയാണ് പ്രചരിക്കുന്നത്. കൈയുടെ പുറകുവശം കൊണ്ടാണ് സ്റ്റാലിന് ഇയാളെ മര്ദിക്കുന്നത്. അയാള് പുറകോട്ടുമാറുന്നതും വിഡിയോയിലുണ്ട്. അതേസമയം, ആരോപണം ഡിഎംകെ തള്ളിക്കളഞ്ഞു. വനിത യാത്രക്കാരുടെ അടുത്തുനിന്ന് മാറിനില്ക്കാനാണ് അയാളോട് ആവശ്യപ്പെട്ടതെന്ന് സ്റ്റാലിന്റെ ഓഫിസ് വൃത്തങ്ങള് അറിയിച്ചു.
സംഭവത്തെ നിശിതമായി വിമര്ശിച്ച തമിഴ്നാട് മുഖ്യമന്ത്രി ജയലളിത ഒരു എംഎല്എക്കോ രാഷ്ട്രീയ നേതാവിനോ ചേര്ന്നതല്ല ഇതെന്ന് വിമര്ശിച്ചു. രാഷ്ട്രീയക്കാരുടെ മാന്യത അദ്ദേഹം കാത്തുസൂക്ഷിക്കണമായിരുന്നെന്നും വിമര്ശിച്ചു. അതേസമയം സ്റ്റാലിനെ പിന്തുണച്ച് മുന് ഡിഎംകെ നേതാവും ഇപ്പോള് കോണ്ഗ്രസ് നേതാവുമായ ഖുശ്ബു രംഗത്തെത്തി.
തിങ്കളാഴ്ച്ചയാണ് തമിഴ്നാട് മുഖ്യമന്ത്രി ജയലളിത ചെന്നൈ മെട്രോ ഉദ്ഘാടനം ചെയ്തത്. ഡിഎംഡികെ ലീഡര് വിജയകാന്ത് അടക്കമുള്ള പ്രതിപക്ഷ എംഎല്എമാര്ക്കൊപ്പമായിരുന്നു സ്റ്റാലിന്റെ മെട്രോയാത്ര.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha