എംപിമാരുടെ പെന്‍ഷനില്‍ 75 ശതമാനം വര്‍ദ്ധനയും സിറ്റിങ് ഫീസിലെ വര്‍ധനയും സമിതി ശുപാര്‍ശ ചെയ്തിരുന്നു. എന്നാല്‍ ഇതെല്ലാം തള്ളുകയായിരുന്നു കേന്ദ്രസര്‍ക്കാര്‍.അമ്പതിനായിരം രൂപയില്‍ നിന്ന് ഒരു ലക്ഷം രൂപയായി എംപിമാരുടെ ശമ്പളം വര്‍ധിപ്പിക്കാനുള്ള ശുപാര്‍ശ കേന്ദ്രസര്‍ക്കാര്‍ തള്ളി. യോഗി ആദിത്യനാഥ് അദ്ധ്യക്ഷനായ പാര്‍ലമെന്ററി സമിതിയുടെ നിര്‍ദ്ദേശങ്ങളാണ് സര്‍ക്കാര്‍ തള്ളിയത്.
ഒറ്റദിവസം എംപിയായാലും എല്ലാ മാസവും 35,000 രൂപ പെന്‍ഷന്‍! ഓരോ അധികവര്‍ഷത്തിനും 2000 വീതം കൂടും; പ്രതിമാസച്ചെലവു ലക്ഷങ്ങള്‍: ജനാധിപത്യത്തെ കാക്കാന്‍ പാവങ്ങളുടെ തലയ്ക്കടിക്കുന്നവിധം
എംപിമാരുടെ വേതനം 50,000 രൂപയും സിറ്റിങ് അലവന്‍സ് ഇനത്തില്‍ ദിവസം 2000 രൂപയുമായി നിശ്ചയിച്ചത് 2010ലാണ്. ജീവിത ചെലവുകളിലെ വര്‍ദ്ധനയും ഡി.എ ഇല്ലാത്തതും പരിഗണിച്ച് ശമ്പളം ഇരട്ടിയാക്കാനാണ് ശുപാര്‍ശ നല്‍കിയിരുന്നത്.
എംപിക്കും ഭാര്യക്കും നിലവിലുള്ള ഒന്നാം ക്ലാസ് ട്രെയിന്‍ യാത്രാസൗകര്യം എംപിയോടൊപ്പം സഹായിയെന്ന നിലയില്‍ യാത്ര ചെയ്യുന്നവര്‍ക്കും നല്‍കുക, എംപിമാര്‍ക്ക് ഫസ്റ്റ് കല്‍സ് എസി നിരക്കിനു തുല്ല്യമായ അലവന്‍സ്(നിലവില്‍ സെക്കണ്ട് കല്‍സ് എ.സി നിരക്കിന് തുല്ല്യ തുക.) നല്‍കുക, വിമാനക്കൂലിക്കൊപ്പം തുല്ല്യമായ തുക അലവന്‍സ് നല്‍കുക, വിമാനത്താവളങ്ങളില്‍ പ്രത്യേക പരിഗണന നല്‍കുക, എംപിമാര്‍ക്കുള്ള ആരോഗ്യ പദ്ധതി മക്കള്‍ക്കും കൊച്ചുമക്കള്‍ക്കും ബാധകമാക്കുക തുടങ്ങിയ നിര്‍ദ്ദേശങ്ങളാണ് സമിതി മുന്നോട്ടുവച്ചിരുന്നത്.
നിലവില്‍ എംപിമാര്‍ക്ക് സര്‍ക്കാര്‍ ചെലവില്‍ താമസവും 50,000 യൂണിറ്റ് സൗജന്യ വൈദ്യുതിയും 4000 കിലോ ലിറ്റര്‍ വെള്ളവും വര്‍ഷത്തില്‍ 50,000 സൗജന്യ ഫോണ്‍ കാളും അനുവദിച്ചിട്ടുണ്ട്.
സിറ്റിങ് അലവന്‍സ്, പെന്‍ഷന്‍ എന്നിവ വര്‍ദ്ധിപ്പിക്കാനും ശുപാര്‍ശ ചെയ്തു. 20,000 രൂപയാണ് സാധാരണ പെന്‍ഷന്‍. ഇത് 35,000 രൂപയാക്കണമെന്നായിരുന്നു സമിതിയുടെ ശുപാര്‍ശ. മുന്‍ എംപിമാര്‍ക്ക് വര്‍ഷത്തില്‍ 30 തവണവരെ സൗജന്യ വിമാനയാത്ര അനുവദിക്കണമെന്നുമുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha