ജമ്മു കശ്മീരില് മൂന്ന് ലഷ്കറെ ത്വയ്ബ ഭീകരരെ സുരക്ഷാ സേന ഏറ്റുമുട്ടലില് വധിച്ചു; ഏറ്റുമുട്ടല് ഉണ്ടായത് രഹസ്യ വിവരത്തിന്റെ അടിസ്ഥാനത്തില് നടത്തിയ തെരച്ചിലിനിടെ
ജമ്മു കശ്മീരില് മൂന്ന് ലഷ്കറെ ത്വയ്ബ ഭീകരരെ സുരക്ഷാ സേന ഏറ്റുമുട്ടലില് വധിച്ചു. ഭീകര സംഘടനയിലെ പ്രധാന മുദസിര് പണ്ഡിറ്റും ബാരാമുള്ള ജില്ലയില് നടന്ന ഏറ്റുമുട്ടലില് കൊല്ലപ്പെട്ടവരില് ഉള്പ്പെടുന്നതായി പൊലീസ് അറിയിച്ചു. സോപോറില് ഗുണ്ഡ് ബ്രാത്തിലാണ് ഏറ്റുമുട്ടലുണ്ടായതെന്ന് കശ്മീര് ഐ.ജി വിജയ് കുമാര് അറിയിച്ചു. തീവ്രവാദവുമായി ബന്ധപ്പെട്ട മറ്റ് നിരവധി കുറ്റകൃത്യങ്ങള്ക്ക് പുറമെ മൂന്ന് പോലീസുകാരെയും രണ്ട് കൗണ്സിലര്മാരെയും രണ്ട് സിവിലിയന്മാരെയും കൊലപ്പെടുത്തിയ സംഭവത്തില് പണ്ഡിറ്റ് ഉള്പ്പെട്ടിട്ടുണ്ടെന്ന് കശ്മീരിലെ പോലീസ് മേധാവി (ഐജി) വിജയ് കുമാര് പറഞ്ഞു.
രഹസ്യ വിവരത്തിന്റെ അടിസ്ഥാനത്തില് തെരച്ചില് നടത്തുന്നതിനിടെയാണ് ഏറ്റുമുട്ടല് ഉണ്ടായത്. മുദാസിര് പണ്ഡിറ്റിനെതിരെ നേരത്തെ 18 കേസുകള് രജിസ്റ്റര് ചെയ്തിട്ടുണ്ടെന്നും വിദേശ കമാന്ഡര് അസ്റാര് ദീര്ഘകാലമായി അദ്ദേഹത്തിന്റെ അടുത്ത അനുയായിയാണെന്നും കൊല്ലപ്പെട്ട മൂന്നാമത്തെ തീവ്രവാദിയായ ഖുര്ഷീദ് മിറിനെതിരെ ആറ് കേസുകള് രജിസ്റ്റര് ചെയ്തതിരുന്നതായും ജമ്മു കശ്മീര് ഡയറക്ടര് ജനറല് ദില്ബാഗ് സിംഗ് പറഞ്ഞു. ഒരു വീട്ടില് തീവ്രവാദികള് ഒളിച്ചിരിക്കുന്നുണ്ടെന്ന വിവരം ലഭിച്ചതിനെത്തുടര്ന്ന് ഇന്നലെ രാത്രി സുരക്ഷാ സേന സോപോറിലെ തന്ത്രപ്രോറ ബ്രത്ത് ഗ്രാമത്തില് തെരച്ചില് ആരംഭിക്കുകയായിരുന്നു. മൂന്ന് സുപ്രധാന കമാന്ഡര്മാര് ഓപ്പറേഷന് നടന്ന വീട്ടില് ഉണ്ടായിരുന്നതിനാല് ഉന്നത പൊലീസും സൈനിക ഉദ്യോഗസ്ഥരും നിരീക്ഷണം നടത്തിവരികയായിരുന്നുവെന്ന് ഡിജിപി ദില്ബാഗ് സിംഗ് പറഞ്ഞു.
https://www.facebook.com/Malayalivartha