ഡിആര്‍ഡിഒ വികസിപ്പിച്ച അത്യാധുനിക ടാങ്ക് വേധ മിസൈല്‍ വിജയകരമായി പരീക്ഷിച്ചു. കുറഞ്ഞ ഭാരം മാത്രമുള്ള ടാങ്ക് വേധ മിസൈല്‍ (മാന്‍ പോര്‍ട്ടബിള്‍ ആന്‍റി ടാങ്ക് ഗൈഡഡ് മിസൈല്‍ -എംപിഎടിജിഎം) മറ്റുള്ളവരുടെ സഹായമില്ലാതെ തന്നെ ഒരാള്‍ക്ക് വഹിച്ചുകൊണ്ട് പോകാവുന്നതാണെന്ന് ഡിആര്‍ഡിഒ അറിയിച്ചു.

മിസൈല്‍ വിക്ഷേപിക്കാന്‍ ഉപയോഗിക്കുന്ന സംവിധാനവും സമാനമായ രീതിയിലാണ് നിര്‍മ്മിച്ചിരിക്കുന്നത്. ആത്മനിര്‍ഭര്‍ ഭാരത് പദ്ധതിയുടെ ഭാഗമായി വികസിപ്പിച്ച മിസൈലിന്റെ പരീക്ഷണം വിജയകരമാണെന്നും ഇത് ഇന്ത്യന്‍ കരസേനയ്‌ക്ക് കരുത്ത് കൂട്ടുമെന്നും ഡിആര്‍ഡിഒ അറിയിച്ചു.

ഇന്‍ഫ്രാറെഡ് സാങ്കേതിക വിദ്യ മിസൈലില്‍ ഉപയോഗിക്കുന്നുണ്ട്. ശത്രുവിന്റെ നീക്കം കൃത്യമായി തിരിച്ചറിയാന്‍ ഇത് സഹായിക്കും. കൂടാതെ അത്യാധുനിക ഇലക്‌ട്രോണിക് സംവിധാനങ്ങള്‍ സജ്ജമാക്കിയിട്ടുണ്ടെന്നും ഡിആര്‍ഡിഒ അറിയിച്ചു.