നൂറ്റാണ്ടുകള് പഴക്കമുള്ള സൂര്യ വിഗ്രഹം മണ്ണിനടിയില്... വിഗ്രഹങ്ങള് കുഴിച്ചിട്ടിരുന്നത് ആക്രമിക്കുമെന്ന ഭയം മൂലമെന്ന് ചരിത്രകാരന്മാര്
ബീഹാറില് മണ്ണിനടിയില് നിന്ന് നൂറ്റാണ്ടുകള് പഴക്കമുള്ള സൂര്യ വിഗ്രഹം കണ്ടെടുത്തു. സഹര്സ ജില്ലയിലെ ബാബ മാതേശ്വര് ധാം ക്ഷേത്ര പരിസരത്ത് നിന്നാണ് അപൂര്വ കരിങ്കല് വിഗ്രഹം കണ്ടെത്തിയത്. ഇരു കൈകളിലും താമരപ്പൂക്കളുമേന്തി നില്ക്കുന്ന രീതിയിലുള്ള വിഗ്രഹത്തിന് മൂന്നടി ഉയരമാണുള്ളത്.
ക്ഷേത്ര വിപുലീകരണത്തിനായി പ്രദേശം കുഴിച്ചപ്പോഴാണ് വിഗ്രഹം കിട്ടിയതെന്നും , വിവരം ജില്ലാ ഭരണകൂടത്തെ അറിയിച്ച ശേഷം വിഗ്രഹം ക്ഷേത്രത്തിലേക്ക് മാറ്റിയതായും ടെമ്ബിള് ട്രസ്റ്റ് ചെയര്മാന് അരുണ് കുമാര് പറഞ്ഞു. വിഗ്രഹം സുരക്ഷിതമായി സൂക്ഷിക്കാന് പ്രാദേശിക ഭരണകൂടത്തിന് നിര്ദ്ദേശം നല്കിയിട്ടുണ്ടെന്ന് സഹര്സ ജില്ലാ മജിസ്ട്രേറ്റ് കൗശല് കിഷോര് പറഞ്ഞു.
പാല രാജവംശത്തിന്റെ ധഎ.ഡി 750പ കാലത്ത് നിര്മ്മിച്ചതാണ് വിഗ്രഹമെന്ന് ഡല്ഹി സര്വകലാശാലയിലെ ചരിത്ര വിഭാഗ ഗവേഷകനായ റിപ്പുഞ്ജയ് കെ താക്കൂര് പറഞ്ഞു. കോസി പ്രദേശത്ത് ഇത്തരം വിഗ്രഹങ്ങള് മുന്പ് കണ്ടെത്തിയിട്ടുണ്ട്.
ഇസ്ലാമിക ആക്രമണത്തെ ഭയന്ന് അക്കാലത്ത് ആളുകള് തങ്ങള് ആരാധിക്കുന്ന ദേവ വിഗ്രഹങ്ങള് ഭൂമിക്കടിയില് കുഴിച്ചിടുകയോ കിണറുകളിലോ കുളങ്ങളിലോ ഉപേക്ഷിക്കുകയോ ചെയ്യുമായിരുന്നു. അത്തരത്തില്പ്പെട്ട വിഗ്രഹങ്ങളില് ഒന്നാകാമിതെന്ന് പൂര്ണിയ യൂണിവേഴ്സിറ്റി പ്രൊഫസറും ചരിത്ര ഗവേഷകനുമായ നരേഷ് കുമാര് ശ്രീവാസ്തവ പറഞ്ഞു.
https://www.facebook.com/Malayalivartha
