ആദ്യ ഭാര്യയെ കൊല്ലാന് കൊട്ടേഷന് നല്കിയ കേസില് ഭര്ത്താവ് അറസ്റ്റില്; 2012 ലാണ് ഇരുവരുടെയും വിവാഹം നടക്കുന്നത്! ഭർതൃ സഹോദരിയുമായി നടന്ന വഴക്കിനിടെ മൊഹ്സിന ഭര്തൃ സഹോദരിയെ കൊലപ്പെടുത്തി ജയിലിലായി, ഇതിനിടയിലാണ് ഫുര്ഖാന് രണ്ടാമതും മൊഹ്സിന എന്ന പേരുള്ള ഒരു യുവതിയെ തന്നെ വിവാഹം കഴിക്കുന്നത്; തുടർന്നുള്ള സംഭവ വികാസങ്ങൾ ഞെട്ടിക്കുന്നത്
ആദ്യ ഭാര്യയെ കൊല്ലാന് കൊട്ടേഷന് നല്കിയ കേസില് ഭര്ത്താവ് അറസ്റ്റില്.യു.പിയിലെ മുസാഫര് നഗറിലാണ് സംഭവം. സംഭവത്തില് മുഹമ്മദ് ഫുര്ഖാന് എന്നയാള്ക്കെതിരേ പൊലീസ് കേസെടുത്തു. ജൂലൈ 15നാണ് മൊഹ്സിന എന്ന യുവതി വെടിയേറ്റ് കൊല്ലപ്പെട്ടത്.
തുടര്ന്ന് നടത്തിയ അന്വേഷണത്തില് മുന് ഭര്ത്താവ് ഫുര്ഖാന് മൂന്ന് ലക്ഷം രൂപ നല്കിയാണ് കൊട്ടേഷന് സംഘത്തെ ഏര്പ്പെടുത്തിയതെന്ന് കണ്ടെത്തിയതായി പൊലീസ് പറഞ്ഞു.
ഫുര്ഖാന് 2012 ലാണ് മൊഹ്സിനയെ വിവാഹം കഴിക്കുന്നത്. എന്നാല് ഫുര്ഖാന്റെ സഹോദരിയുമായി നടന്ന വഴക്കിനിടെ മൊഹ്സിന ഭര്തൃ സഹോദരിയെ കൊലപ്പെടുത്തി ജയിലിലായി . ഇതിനിടയിലാണ് ഫുര്ഖാന് രണ്ടാമതും മൊഹ്സിന എന്ന പേരുള്ള ഒരു യുവതിയെ തന്നെ വിവാഹം കഴിക്കുന്നത്.
എന്നാല് അടുത്തിടെ ജാമ്യത്തിലിറങ്ങിയ ആദ്യ ഭാര്യ ഫുര്ഖാന് രണ്ടാമത് വിവാഹം കഴിച്ചതറിഞ്ഞ് ഫുര്ഖാനെ തേടി വരുകയും, ഭര്ത്താവുമായി വഴക്കിടുകയും ചെയ്തു. സ്വത്തും ആവശ്യപ്പെട്ടു. ഇതിനോടകം ഒരാളെ കൊലപ്പെടുത്തിയ ആദ്യ ഭാര്യ തന്റെ രണ്ടാമത്തെ ഭാര്യയേയും കൊല്ലാന് മടിക്കില്ലെന്ന് തോന്നിയതോടെയാണ് ഫുര്ഖാന് കൊട്ടേഷന് സംഘത്തെ സമീപിച്ചത് . വാടക കൊലയാളികള്ക്ക് മൂന്ന് ലക്ഷം രൂപയാണ് ഫുര്ഖാന് നല്കിയത്.
https://www.facebook.com/Malayalivartha
