ആര്.ടി.പി.സി.ആര് നിര്ബന്ധമാക്കി കര്ണാടക സർക്കാർ; കേരളമടക്കമുള്ള സംസ്ഥാനങ്ങളില് നിന്ന് സംസ്ഥാനത്ത് പ്രവേശിക്കണമെങ്കില് രണ്ട് ഡോസ് വാക്സിന് എടുത്തവരും ആര്.ടി.പി.സി ആര് സര്ട്ടിഫിക്കറ്റ് ഹാജരാക്കണം
കേരളമടക്കമുള്ള സംസ്ഥാനങ്ങളില് നിന്ന് കർണാടകത്തിൽ പ്രവേശിക്കണമെങ്കില് ആര്.ടി.പി.സി.ആര് നിര്ബന്ധമാക്കി കര്ണാടക സർക്കാർ. രണ്ട് ഡോസ് വാക്സിന് എടുത്തവരും ആര്.ടി.പി.സി ആര് സര്ട്ടിഫിക്കറ്റ് ഹാജരാക്കണമെന്ന് അധികൃതർ ഉത്തരവ് പുറത്തിറക്കി.
വിമാനം, ബസ്, ട്രെയിന്, ടാക്സി, സ്വകാര്യ വാഹനങ്ങള് എന്നിവയില് കേരളത്തില്നിന്നും കര്ണാടകയിലേക്ക് വരുന്നവര് 72 മണിക്കൂറിനുള്ളില് എടുത്ത ആര്.ടി.പി.സി.ആര് നെഗറ്റീവ് സര്ട്ടിഫിക്കറ്റ് ഹാജരാക്കിയിരിക്കണം.
അതോടൊപ്പം നേരത്തെ കേരളത്തില്നിന്നും കര്ണാടകയിലേക്ക് വരുന്നവര്ക്കുള്ള ആര്.ടി.പി.സി.ആര് നെഗറ്റീവ് സര്ട്ടിഫിക്കറ്റ് നിബന്ധനയില് ഇളവു വരുത്തിയിരുന്നു. രണ്ട് ഡോസ് വാക്സിന് സ്വീകരിച്ചവര്ക്ക് വാക്സിന് സര്ട്ടിഫിക്കറ്റ് ഹാജരാക്കി കര്ണാടകയിലെത്താൻ സാധിക്കുകയിരുന്നു. വാക്സിന് എടുക്കാത്തവര്ക്ക് 72 മണിക്കൂറിനുള്ളില് എടുത്ത ആര്.ടി.പി.സി.ആര് നെഗറ്റീവ് സര്ട്ടിഫിക്കറ്റും വേണമെന്നായിരുന്നു നിബന്ധന നൽകിയിരുന്നത്. ആ ഉത്തരവാണ് ഇപ്പോള് പുതുക്കി വീണ്ടും പുറത്തിറക്കിയിരിക്കുന്നത്.
കൂടാതെ വിമാനത്താവളം, റെയില്വെ സ്റ്റേഷന്, ജില്ല അതിര്ത്തികള് തുടങ്ങിയ എല്ലാ സ്ഥലങ്ങളിലും പരിശോധന കര്ശനമാക്കാനും അതാത് ജില്ല ഭരണകൂടങ്ങള്ക്ക് നിര്ദേശം നല്കിയിട്ടുണ്ട്. നിയമം ലംഘിക്കുന്നവര്ക്കെതിരെ ദുരന്ത നിവാരണ നിയമപ്രകാരം കേസെടുക്കുമെന്നും സംസ്ഥാന സര്ക്കാര് ഉത്തരവില് പറയുകയുണ്ടായി.
https://www.facebook.com/Malayalivartha
