ഇത് ഒരു ഭാഗം മാത്രം... നിധി ഇനിയും പുറത്ത് വരാന് ഉണ്ട്: ഒരു ഫാര്മസ്യൂട്ടിക്കല് കമ്ബനിയില് നിന്ന് കണ്ടെടുത്തത് 550 കോടി രൂപ
ഒരു അലമാര നിറയെ പണമിരിക്കുന്ന ചിത്രം കഴിഞ്ഞ കുറച്ച് ദിവസങ്ങളായി സോഷ്യല് മീഡിയയില് പ്രചരിക്കുന്നുണ്ട്. അഞ്ഞൂറ് രൂപയുടെ നോട്ടുകള് പല കെട്ടുകളിലായാണ് ഒരു അലമാര നിറയെ അടുക്കി വച്ചിരിക്കുന്നത്. സംഭവം ശ്രദ്ധിക്കപ്പെട്ടതോടെ അതിനെ ചുറ്റിപ്പറ്റി പല വിവരണങ്ങളും പലരില് നിന്നും പുറത്തുവന്നു. മുകേഷ് അംബാനിയുടെ വീട്ടിലെ അലമാരയാണെന്നും അതല്ല ഒസാമ ബിന് ലാദന് ഒളിച്ചിരുന്ന സ്ഥലത്തെ അലമാരയാണെന്നുമൊക്കെയുള്ള പല കുറിപ്പുകളും വന്നു. പക്ഷേ, സത്യം അതൊന്നുമല്ല.
ഹൈദരാബാദ് ആസ്ഥാനമായുള്ള ഒരു ഫാര്മസ്യൂട്ടിക്കല് കമ്ബനിയില് നിന്ന് കണ്ടെടുത്ത തുകയാണത്രേ അത്. ഏതാണ്ട് 550 കോടി രൂപയാണ് പിടിച്ചെടുത്തത്. പക്ഷേ, അതിന്റെ ഒരു ഭാഗം മാത്രമാണിതെന്നാണ് പുറത്തുവരുന്നത്. ഈ മാസം ആദ്യം നടത്തിയ റെയ്ഡിലാണ് ഇത്രയും തുക പിടിച്ചെടുത്തതെന്ന് ആദായനികുതി വകുപ്പ് വ്യക്തമാക്കുന്നുണ്ട്. തിരച്ചിലില് നിരവധി ബാങ്ക്ലോക്കറുകള് കണ്ടെത്തിയെന്നും അതില് 16 ലോക്കറുകള് തുറന്നു എന്നുമാണ് അന്താരാഷ്ട്ര മാദ്ധ്യമങ്ങള് റിപ്പോര്ട്ട് ചെയുന്നത്. പണത്തിന് പുറമേ നിരവധി ഡിജിറ്റല് ഉപകരണങ്ങളും പിടിച്ചെടുത്തിട്ടുണ്ട്.
https://www.facebook.com/Malayalivartha