പാക്കികള്ക്ക് വേണ്ടിചാരപ്രവര്ത്തനം, ബിഎസ്എഫ് ജവാനെ കൈയ്യോടെ പൊക്കി
അടുത്തിടെ ഭീകരുമായുണ്ടായ ഏറ്റുമുട്ടലുകളില് 9 ജവാന്മാരാണ് വീരമൃത്യു വരിച്ചത്.കൂടാതെ ഭീകരിക്രമണങ്ങളില് 12 സാധാരണക്കാര്ക്കാണ് ജീവന് നഷ്ടമായത്. ഒരു പറ്റം ജവാന്മാര് രാജ്യത്തിന് വേണ്ടി പോരാടി വീരമൃത്യു വരിക്കുമ്പോള് സ്വന്തം രാജ്യത്തെ ഒറ്റികൊടുക്കുന്ന സൈനികരും ഇവിടെയുണ്ടെന്ന് തെളിയിക്കുന്ന വാര്ത്തകളാണ് പുറത്തുവരുന്നത്. പാക്കിസ്ഥാനു വേണ്ടി ചാരപ്രവൃത്തി നടത്തിയിരുന്ന ബിഎസ്എഫ് ജവാനെ ഗുജറാത്തില് നിന്നും തീവ്രവാദ വിരുദ്ധ സ്ക്വാഡ് അറസ്റ്റ് ചെയ്തിരിക്കുകയാണ്. ഭുജ് ബറ്റാലിയനില് ജോലി ചെയ്യുന്ന മുഹമ്മദ് സജ്ജാദിനെയാണ് അറസ്റ്റ് ചെയ്തത്.ഭുജിലെ ബിഎസ്എഫ് ആസ്ഥാനത്തുവെച്ചായിരുന്നു അറസ്റ്റ്.
ചാരപ്രവര്ത്തനം നടത്തി പാക്കിസ്ഥാന് രഹസ്യ വിവരങ്ങള് വാട്ട്സ്ആപ്പ് വഴി കൈമാറിയതിനാണ് ഇയാളെ അറസ്റ്റ് ചെയ്തതെന്ന് തീവ്രവാദ വിരുദ്ധ സ്ക്വാഡ് മാധ്യമങ്ങളോട് പറഞ്ഞു. രജൗരി ജില്ലയിലെ സരോല ഗ്രാമത്തില് നിന്നുള്ളയാളാണ് അറസ്റ്റിലായ മുഹമ്മദ് സജ്ജാദ്. ഇയാളില് നിന്ന് രണ്ട് മൊബൈല് ഫോണ്, സിം കാര്ഡുകള് എന്നിവയും പിടിച്ചെടുത്തു.
2012ലാണ് ഇയാള് കോണ്സ്റ്റബിളായി ബിഎസ്എഫില് ചേര്ന്നത്. 2021 ജൂലൈയിലാണ് ഇയാളെ ഭുജ് 74 ബിഎസ്എഫ് ബറ്റാലിയനില് വിന്യസിച്ചത്. ഇയാള് കൈമാറിയിരുന്ന വിവരങ്ങള്ക്ക് സഹോദരന് വാജിദിന്റെയും സുഹൃത്തായ ഇഖ്ബാലിന്റെയും അക്കൗണ്ടുകളിലേക്കാണ് പാക്കിസ്ഥാനില് നിന്ന് പണം എത്തിയിരുന്നത്. തെറ്റായ ജനനത്തീയതി നല്കി സജ്ജാദ് ബിഎസ്എഫിനെ തെറ്റിദ്ധരിപ്പിച്ചതായും എടിഎസ് ഉദ്യോഗസ്ഥര് പറയുന്നു. സജ്ജാദിന്റെ ആധാര് കാര്ഡ് അനുസരിച്ച് 1992 ജനുവരി ഒന്നിനാണ് ജനനം. എന്നാല് അയാളുടെ പാസ്പോര്ട്ട് വിശദാംശങ്ങളില് ജനനത്തീയതി 1985 ജനുവരി 30 ആണ്. സംഭവത്തില് വിശദമായ അന്വേഷണം നടത്തുമെന്നും എടിഎസ് വൃത്തങ്ങള് അറിയിച്ചിട്ടുണ്ട്.
അതേസമയം തീവ്രവാദത്തിനെതിരെ ശക്തമായ നിലപാട് സ്വീകരിക്കുമെന്നാണ് ജമ്മുകശ്മീര് സന്ദര്ശനവേളയില് അമിത് ഷാ വ്യക്തമാക്കി.അമിത് ഷായുടെ സന്ദര്ശനത്തിനിടെ ഷോപ്പിയാനിലെ ബബാപൊരയില് തീവ്രവാദി ആക്രമണം നടന്നിരുന്നു. ഒരു ജവാന് പരിക്കേല്ക്കുകയും ഒരു പ്രദേശവാസി കൊല്ലപ്പെടുകയും ചെയ്തിരുന്നു.സുരക്ഷയ്ക്കായി വേദിയില് സ്ഥാപിച്ച ബുള്ളറ്റ് പ്രൂഫ് ഗ്ലാസ് കവചം എടുത്തുമാറ്റി കശ്മീര് ജനതയോട് സംസാരിച്ച് അമിത് ഷാ ഞെട്ടിപ്പിക്കുകും ചെയ്തു. മൂന്ന് ദിവസത്തെ ജമ്മു കശ്മീര് സന്ദര്ശനത്തിനിടെ തിങ്കളാഴ്ച ശ്രീനഗറിലെ ഷേര് ഐ കശ്മീര് ഇന്റര്നാഷണല് കണ്വെന്ഷന് സെന്ററിലെത്തിയപ്പോഴാണ് അമിത് ഷാ സുരക്ഷാകവചം ഒഴിവാക്കി ജനങ്ങളെ അഭിസംബോധന ചെയ്തത്. ജമ്മുകശ്മീരിലെ ജനങ്ങളോട് നേരിട്ട് സംസാരിക്കാന് ആഗ്രഹിക്കുന്നുവെന്ന് ബുള്ളറ്റ് പ്രൂഫ് കവചം എടുത്തുമാറ്റിയതിന് പിന്നാലെ അമിത് ഷാ പറഞ്ഞു.
പാകിസ്ഥാനുമായി ചര്ച്ചയ്ക്കുള്ള നിര്ദ്ദേശവും അമിത് ഷാ തള്ളിയിരുന്നു. പാകിസ്ഥാനുമായി ഒരു ചര്ച്ചയ്ക്കുമില്ലെന്നും സംസാരിക്കാനുള്ളത് കശ്മീര് ജനതയോട് മാത്രമാണെന്നും അമിത് ഷാ വ്യക്തമാക്കി. ഭീകരാക്രമണം വര്ധിച്ചുവരുന്ന സാഹചര്യത്തില് പാകിസ്ഥാനുമായി കേന്ദ്രസര്ക്കാര് ചര്ച്ചക്ക് തയ്യാറാകണമെന്ന് ജമ്മുകശ്മീര് മുന് മുഖ്യമന്ത്രി ഫറൂക്ക് അബ്ദുള്ള ആവശ്യപ്പെട്ടിരുന്നു. തീവ്രവാദത്തിനെതിരെ ശക്തമായ നിലപാട് സ്വീകരിക്കുമെന്നാണ് സന്ദര്ശന വേളയില് അമിത് ഷാ വ്യക്തമാക്കിയത്.
https://www.facebook.com/Malayalivartha