ഇതര സംസ്ഥാനങ്ങളില്‍ നിന്ന് കേരളത്തിലെ അനാഥാലയങ്ങളിലേക്ക് കുട്ടികളെ കൊണ്ടുവന്ന സംഭവത്തില്‍ സി.ബി.ഐ അന്വേഷണത്തിന് എതിരായ ഹരജിയില്‍ കേന്ദ്ര, കേരള സര്‍ക്കാറുകള്‍ക്ക് സുപ്രീംകോടതി നോട്ടിസ് അയച്ചു. ഹരജി തീര്‍പ്പാവുന്നത് വരെ സി.ബി.ഐ അന്വേഷണം സ്‌റ്റേ ചെയ്യണമെന്ന ആവശ്യം സുപ്രീംകോടതി തള്ളി.
സി.ബി.ഐ അന്വേഷണം സ്‌റ്റേ ചെയ്യണമെന്ന് ആവശ്യപ്പെട്ട് മുക്കം, വെട്ടത്തൂര്‍ അനാഥശാലകളാണ് സുപ്രീംകോടതിയെ സമീപിച്ചത്. സി.ബി.ഐ അന്വേഷണം തുടരാമെന്നും, കേരളത്തിലെ അനാഥശാലകളിലേക്ക് കുട്ടികളെ കൊണ്ടുവന്നത് ഗൗരവമുള്ള വിഷയമാണെന്ന് മാധ്യമങ്ങളിലൂടെ അറിഞ്ഞിട്ടുണ്ടെന്നും കോടതി നിരീക്ഷിച്ചു.
കേരളത്തിലെ അനാഥാലയങ്ങളിലേക്ക് കുട്ടികളെ കൊണ്ടുവന്ന സംഭവത്തില്‍ വിവിധ കക്ഷികള്‍ സമര്‍പ്പിച്ച ഹരജി പരിഗണിച്ച് കേരള ഹൈകോടതിയാണ് സി.ബി.ഐ അന്വേഷണത്തിന് ഉത്തരവിട്ടത്. അന്തര്‍ സംസഥാന വിഷയമായതിനാല്‍ കേന്ദ്ര ഏജന്‍സിയുടെ അന്വേഷണമാണ് നല്ലതെന്ന് ചൂണ്ടിക്കാട്ടിയാണ് ഹൈകോടതി സി.ബി.ഐ അന്വേഷണത്തിന് ഉത്തരവിട്ടത്. ഹൈകോടതി വിധിയില്‍ അപാകതകളുണ്ടെന്ന് ചൂണ്ടിക്കാണിച്ചാണ് അനാഥശാലകള്‍ സുപ്രീംകോടതിയെ സമീപിച്ചത്. ഝാര്‍ഖണ്ഡ്, ബംഗാള്‍ തുടങ്ങിയ സംസ്ഥാനങ്ങള്‍ ഇത് മനുഷ്യക്കടത്തല്‌ളെന്ന് വ്യക്തമാക്കിയ കാര്യം ഹൈകോടതി പരിഗണിച്ചില്‌ളെന്നായിരുന്നു ഹരജിയിലെ വാദം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha