ഇന്ത്യാപാക് ദേശീയ സുരക്ഷാ ഉപദേഷ്ടാക്കളുടെ ചര്ച്ചയില് നിന്ന് പാകിസ്ഥാന് പിന്മാറിയത് നിര്ഭാഗ്യകരമെന്ന് യുഎസ്
ഇന്ത്യാ-പാക് ദേശീയ സുരക്ഷാ ഉപദേഷ്ടാക്കളുടെ ചര്ച്ചയില് നിന്ന് പാകിസ്ഥാന് പിന്മാറി. കാശ്മീര് വിഷയം അജണ്ടയിലില്ലെങ്കില് ചര്ച്ചയ്ക്കു വരാനില്ലെന്നാണ് പാകിസ്ഥാന്റെ നിലപാട്. അതേസമയം, ഇന്ത്യ ഫലത്തില് ചര്ച്ച റദ്ദാക്കിയിരിക്കുകയാണെന്ന് പാക് പ്രധാനമന്ത്രി നവാസ് ഷെരീഫിന് അയച്ച പ്രസ്താവനയില് പാക് സുരക്ഷാ ഉപദേഷ്ടാവ് സര്താജ് അസീസ് ആരോപിച്ചു. ഇരുരാജ്യങ്ങളും തമ്മില് ആദ്യമായി നടക്കാനിരുന്ന സുരക്ഷാ ഉപദേഷ്ടാക്കളുടെ ചര്ച്ച മുടങ്ങുന്നതില് അതീവ ദു:ഖമുണ്ടെന്നും അസീസ് സൂചിപ്പിച്ചു. ഇന്ത്യയുടെ ഉപാധികള് അംഗീകരിക്കാനാവില്ലെന്ന് പാകിസ്ഥാന് വ്യക്തമാക്കി.
കൂടിക്കാഴ്ച റദ്ദാക്കിയത് ദൗര്ഭാഗ്യകരമെന്ന് യു.എസ്. ചര്ച്ച റദ്ദാക്കിയത് ദുഃഖകരമാണെന്ന് യു.എസ് സ്റ്റേറ്റ് ഡിപ്പാര്ട്ട്മെന്റ് വക്താവ് ജോണ് കിര്ബി പറഞ്ഞു. ഇരുരാജ്യങ്ങള്ക്കുമിടയില് ഉഭയകക്ഷി ചര്ച്ചകള് ഉടന് പുനരാരംഭിക്കുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു. പ്രധാനമന്ത്രി നരേന്ദ്ര മോഡിയും പാക്ക് പ്രധാനമന്ത്രി നവാസ് ഷെരീഫും തമ്മില് ഉഫയില് നടന്ന ചര്ച്ച പുരോഗമനപരമായിരുന്നെന്നും ജോണ് കിര്ബി പറഞ്ഞു.
ഭീകരവാദം ചര്ച്ച ചെയ്യാമെങ്കില് മാത്രം ഇന്ത്യ ചര്ച്ചയ്ക്ക് തയ്യാറാണെന്ന് വിദേശകാര്യ മന്ത്രി സുഷമാ സ്വരാജ് പാകിസ്ഥാനോട് ശനിയാഴ്ച ഉറപ്പിച്ച് വ്യക്തമാക്കിയിരുന്നു. ഇന്ത്യപാക് ചര്ച്ചയില് ഭീകരവാദമാണ് പ്രധാന വിഷയം. ഇതില് വിട്ടുവീഴ്ചയ്ക്കില്ല. ഹുറിയത്ത് നേതാക്കളെ ചര്ച്ചയുടെ ഭാഗമാക്കാന് തയ്യാറല്ലെന്നും മുന്നാമതൊരു കക്ഷിയെ ഇടപെടാന് അനുവദിക്കില്ലെന്നും സുഷമ പ്രതികരിച്ചു. കാശ്മീര് പ്രശ്നം പാകിസ്ഥാന് ഉന്നയിച്ചാല് ഞായറാഴ്ചത്തെ ചര്ച്ചയില് നിന്നും പിന്മാറുമെന്നും സുഷമ മുന്നറിയിപ്പു നല്കി.
ഇന്ത്യപാക്കിസ്താന് ദേശീയ സുരക്ഷാ ഉപദേഷ്ടാക്കളുടെ കശ്മീര് വിഷയം അജണ്ടയില് ഉള്പ്പെടുത്താതെ ഇന്ത്യയുമായി ചര്ച്ചയില്ലെന്ന് പാക്കിസ്താന് നിലപാട് വ്യക്തമാക്കിയതോടെയാണ് ചര്ച്ചകള് വഴിമുട്ടിയത്. ഉഫ ധാരബ പ്രകാരം ഭീകരവാദം മാത്രമേ ചര്ച്ച ചെയ്യാനാകൂ എന്നും ഇന്ത്യയും നിലപാട് സ്വീകരിച്ചു. ഇന്ത്യ നിലപാട് പ്രഖ്യാപിച്ചതിന് പിന്നാലെ ഇസ്ലാമാബാദില് ഉന്നതതല യോഗം ചേര്ന്ന് പാക്കിസ്താന് ചര്ച്ചയില് നിന്ന് പിന്മാറുകയായിരുന്നു. ഇന്നാണ് ദേശീയ സുരക്ഷാ ഉപദേഷ്ടാക്കളുടെ കൂടിക്കാഴ്ച നടക്കേണ്ടിയിരുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
