സഹോദരങ്ങളല്ല, മക്കളാണെന്ന സത്യം വെളിപ്പെടുത്തുമെന്നു ഷീനയും മിഖൈലും നിരന്തരം ഭീഷണിപ്പെടുത്തിയിരുന്നതിനാലാണ് ഇരുവരെയും ഇല്ലാതാക്കാന്‍ ഇന്ദ്രാണി മുഖര്‍ജി തീരുമാനിച്ചതെന്നു മുംബൈ പൊലീസ്. തന്റെ ആഡംബര ജീവിതത്തിന് മക്കള്‍ ഭീഷണിയാവുമോയെന്നുപോലും ഇന്ദ്രാണി ചിന്തിച്ചിരുന്നതായി പോലീസ് പറഞ്ഞു. എന്നാല്‍ അവരെ കൊലപ്പെടുത്താന്‍ ഇന്ദ്രാണിക്ക് ഉദ്ദേശമില്ലായിരുന്നുവെന്നും ഭര്‍ത്താവിന്റെ മകനുമായിട്ട് തന്റെ മകള്‍ ഒരുമിച്ച് താമസിക്കാന്‍ തുടങ്ങിയതാണ് ഇന്ദ്രാണിയെ കൊലപാതകത്തിലേക്ക് നയച്ചതുമെന്നാണ് പോലീസിന്റെ വ്യാഖ്യാനം
സ്റ്റാര്‍ ഇന്ത്യ മുന്‍ സിഇഒ പീറ്റര്‍ മുഖര്‍ജിയെ വിവാഹം കഴിക്കുമ്പോള്‍ ഷീനയും മിഖൈലും സഹോദരങ്ങളാണെന്നാണ് ഇന്ദ്രാണി പരിചയപ്പെടുത്തിയത്. സത്യം വെളിപ്പെടുത്തുമെന്നു ഭീഷണിപ്പെടുത്തി ഇരുവരും പണം ചോദിക്കുന്നതു പതിവാക്കിയത് ഇന്ദ്രാണിയെ അസ്വസ്ഥയാക്കി. മാത്രമല്ല പീറ്റര്‍ മുഖര്‍ജിക്ക് ആദ്യഭാര്യ ഷബ്‌നത്തിലുണ്ടായ മകന്‍ രാഹുല്‍, ഷീനയെ വിവാഹം ചെയ്യാന്‍ തീരുമാനിച്ചതു തന്റെ അധികാരവും സ്വാധീനവും ഇല്ലാതാകാന്‍ കാരണമാകുമെന്ന് ഇന്ദ്രാണി ആശങ്കപ്പെട്ടിരുന്നെന്നും പൊലീസ് പറഞ്ഞു. സംഭവവുമായി ബന്ധപ്പെട്ട് ഇന്ദ്രാണിയുടെ ആദ്യ ഭര്‍ത്താവും ഷീനയുടെയും മിഖൈലിന്റെയും പിതാവുമായ സിദ്ധാര്‍ഥ് ദാസിന്റെ അസമിലലുള്ള കുടുംബാംഗങ്ങളെയും പൊലീസ് ചോദ്യം ചെയ്‌തേക്കും.
അതിനിടെ, ഇന്ദ്രാണി മുഖര്‍ജി തന്റെ മകളാണെന്നും വളര്‍ത്തുമകളാണെന്ന ആരോപണം ശരിയല്ലെന്നും ഉപേന്ദ്രകുമാര്‍ ബോറ (78) പറഞ്ഞു. ഗുവാഹത്തിയില്‍ ബോറയ്ക്കും ഭാര്യ ദുര്‍ഗാ റാണെ (73)യ്ക്കും ഒപ്പമാണു മിഖൈല്‍ താമസിക്കുന്നത്. അച്ഛന്‍ ഉപേക്ഷിച്ച ശേഷം അദ്ദേഹത്തിന്റെ അനിയന്‍ ഉപേന്ദ്രകുമാറിനെ അമ്മ വിവാഹം ചെയ്തതാണെന്നും ഇയാള്‍ പലവട്ടം തന്നെ പീഡിപ്പിച്ചിട്ടുണ്ടെന്നും ഇന്ദ്രാണി മുന്‍പു പറഞ്ഞതായി റിപ്പോര്‍ട്ടുകളുണ്ടായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha