ഇന്ത്യന്‍ യുവാക്കള്‍ എന്ത് കൊണ്ട് ഐഎസില്‍ ചേരാന്‍ ആഗ്രഹിക്കുന്നു. ഇസ്‌ലാമിക് സ്‌റ്റേറ്റില്‍ ചേരാന്‍ ഏത് ഘടകമാണ് ഇവരെ കൂടുതലും സ്വാധീനിക്കുന്നത്? ഇങ്ങനെ നിരവധി ചോദ്യങ്ങളാണ് പലരുടെയും മനസില്‍ കടന്ന് പോകുന്നത്. ഇന്ത്യന്‍ മുസ്‌ലിമുകളില്‍ ഇസ്‌ലാമിക് സ്‌റ്റേറ്റിന്റെ സ്വാധീനമുള്ളതായി കേന്ദ്രസര്‍ക്കാര്‍ വ്യക്തമാക്കിയിരിക്കുന്നു.

ചെറിയ അളവില്‍ മുസ്‌ലിമുകളില്‍ ഐഎസിന്റെ സ്വാധീനമുണ്ടെന്നാണ് റിപ്പോര്‍ട്ടുകള്‍. സാമൂഹിക മാധ്യമങ്ങളില്‍ ഐഎസിന്റെ നയങ്ങളെ പിന്തുണയ്ക്കുന്നതിനും നിരന്തരമായി പിന്തുടരുന്നതിനും യുവാക്കള്‍ തയാറാകുന്നു. രഹസ്യാന്വേഷണ വിഭാഗം ദേശീയ തലത്തില്‍ നടത്തിയ സര്‍വെയിലാണ് ഇക്കാര്യം വെളിപ്പെട്ടിരിക്കുന്നത്.
ഇന്റര്‍നെറ്റിലൂടെ ഐഎസിനെ പിന്തുണയ്ക്കുന്നവര്‍ കൂടുതലുമുള്ളത് ഐടി നഗരങ്ങളായി ബെഗളൂരുവിലും ഹൈദരാബാദിലുമാണെന്നാണ് പഠനം വ്യക്തമാക്കുന്നത്. ശ്രീനഗറിലും ഗുവാഹത്തിയിലും ഐഎസ് നിലയുറപ്പിക്കുന്നതിനുള്ള ശ്രമത്തിലാണ്. സാമൂഹിക മാധ്യമങ്ങളില്‍ ഐഎസിന് ഏറ്റവും കൂടുതല്‍ പിന്തുണ നല്‍കുന്ന നഗരങ്ങളില്‍ ഒന്ന് മുംബൈയാണെന്നാണ് റിപ്പോര്‍ട്ടുകള്‍. ഐഎസിനെ പിന്തുണയ്ക്കുന്ന ഏകമെട്രോപൊളീറ്റന്‍ നഗരവും മുംബൈയാണ്. ആറു നഗരങ്ങളെയാണ് രഹസ്യാന്വേഷണ വിഭാഗം റിപ്പോര്‍ട്ടില്‍ ഉള്‍പ്പെടുത്തിയിരിക്കുന്നത്. ഇതില്‍ അഞ്ചാം സ്ഥാനമാണ് മുംബൈയ്ക്കുള്ളത്.
ഇന്ത്യയില്‍ മുസ്‌ലിമുകള്‍ അധികമായുള്ള ശ്രീനഗറിലാണ് ഇസ്‌ലാമിക് സ്‌റ്റേറ്റിന്റെ സ്വാധീനം കൂടുതല്‍. ഗുവാഹത്തി, പൂനെയിലെ ചിഞ്ച്‌വാധ്, ഹൗറ, കണ്‍പൂരിനു സമീപമുള്ള ഉന്നാവോ എന്നീ നഗരങ്ങളാണ് തൊട്ടുപിന്നിലുള്ളതെന്നും സര്‍വെയില്‍ കണ്ടെത്തിയിട്ടുണ്ട്. ഇസ്‌ലാമിക് സ്‌റ്റേറ്റ് സാമൂഹിക മാധ്യമങ്ങളില്‍ കൂടി നടത്തുന്ന പ്രചരണങ്ങളെ ഇന്ത്യന്‍ യുവത്വവും പിന്തുണയ്ക്കുന്നുവെന്നത് സര്‍ക്കാര്‍ പ്രധാന്യത്തോടെയാണെടുത്തിരിക്കുന്നത്.
അടുത്തിടെ യാക്കൂബ് മേമന്റെ വധശിക്ഷയില്‍ സഹതപിച്ച് ഇസ്‌ലാമിക് സ്‌റ്റേറ്റില്‍ (ഐഎസ്) ചേരാന്‍ പോയ നവിമുംബൈയിലെ മാധ്യമപ്രവര്‍ത്തകന്‍ സുബെര്‍ അഹ്മദ് ഖാനെ ഡല്‍ഹി പൊലീസ് പിടികൂടിയിരിക്കുന്നു. പോലീസ് സുബൈറിന്റെ ഭാര്യയെയും ചോദ്യം ചെയ്തിരുന്നു. സോഷ്യല്‍ മീഡിയ വഴിയാണ് സുബെര്‍ അഹ്മദ് ഖാന്‍ ഇന്ത്യന്‍ പാസ്‌പോര്‍ട്ട് തിരിച്ചു നല്‍കാന്‍ തയാറാണെന്നും ഐഎസില്‍ ചേരാന്‍ ആഗ്രഹിക്കുന്നുവെന്നും വെളിപ്പെടുത്തിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha