ശമ്പളം കൂട്ടിയില്ലെങ്കില് മതം മാറുമെന്ന് യു.പിയിലെ താല്ക്കാലിക അദ്ധ്യാപകര്
ശമ്പള വര്ദ്ധനവ് ആവശ്യം അംഗീകരിച്ചില്ലെങ്കില് ഇസ്ലാമിലേക്ക് മാറുമെന്ന മുന്നറിയിപ്പുമായി ഒരുകൂട്ടം താല്ക്കാലിക അദ്ധ്യാപകര്. ഇതേ ആവശ്യമുന്നയിച്ച് നടത്തിയ പ്രകടനത്തിലാണ് കസ്തൂര്ബാ ഗാന്ധി ബാലിക വിദ്യാലയത്തിലെ അദ്ധ്യാപകരുടെ ഭീഷണി. സര്ക്കാര് വിവേചനം തുടരുകയാണെന്നും ഇവര് കുറ്റപ്പെടുത്തുന്നു.
2014ല് സ്ഥിരാദ്ധ്യാപകര്ക്കും താല്ക്കാലിക ഉര്ദു അദ്ധ്യാപകര്ക്കും ശമ്പള വര്ദ്ധനവ് അനുവദിച്ചപ്പോള് ഹിന്ദി, സംസ്കൃതം അദ്ധ്യാപകരുടെ ശമ്പളം വെട്ടിക്കുറയ്ക്കുകയായിരുന്നു. 7500ല് നിന്ന് 5000 ആക്കിയാണ് കുറച്ചത്. ഈ മാസം 14ന് ഡല്ഹിയിലെ ജന്തര് മന്ദറില് പ്രകടനം നടത്താനാണ് തീരുമാനം.
ആവശ്യങ്ങള് അംഗീകരിച്ചില്ലെങ്കില് മതംമാറുമെന്ന് വിദ്യാലയത്തിലെ അദ്ധ്യാപക സംഘടനയുടെ ജില്ലാ പ്രസിഡന്റ് അറിയിച്ചു. ഭാഷാപരമായ വിവേചനമാണിതെന്നും ഇവര് ആരോപിക്കുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
