മുന് വിസിയും എഴുത്തുകാരനുമായ കല്ബുര്ഗിയുടെ കൊലപാതകം: ശ്രീരാമസേനാ മുന്നേതാവ് അറസ്റ്റില്
കന്നഡ സര്വകലാശാല മുന് വിസിയും എഴുത്തുകാരനുമായ എം.എം കല്ബുര്ഗിയുടെ കൊലപാതകത്തെ അനുകൂലിച്ച് ഫേസ്ബുക്കില് പോസ്റ്റിട്ടയാള് അറസ്റ്റില്. ബംഗളൂരുവിലെ ശ്രീരാമസേനാ നേതാവിനെയാണ് പൊലീസ് കസ്റ്റഡിയിലെടുത്തത്. ആഗസ്റ്റ് 30നാണ് എഴുത്തുകാരനും പണ്ഡിതനുമായ കല്ബുര്ഗി വെടിയേറ്റുമരിച്ചത്.
രണ്ടംഗ അക്രമിസംഘം വീട്ടില് അതിക്രമിച്ചു കടന്നാണ് വെടിയുതിര്ത്തത്. വിഗ്രഹാരാധനയേയും അന്ധവിശ്വാസങ്ങളേയും എതിര്ത്തതിന്റെ പേരില് ചില ഹിന്ദു സംഘടനകള് ഉള്പ്പടെ കല്ബുര്ഗിയ്ക്കെതിരേ മുന്പ് ഭീഷണി മുഴക്കിയിരുന്നു. കൊലപാതകം നടത്തിയതെന്നു സംശയിക്കുന്ന രണ്ട് അക്രമികളുടെ രേഖാ ചിത്രമാണ് ധാര്വാഡ് പൊലീസ് പുറത്തുവിട്ടിരുന്നു.
ബൈക്കില് കല്ബുറഗിയുടെ വീട്ടിലെത്തിയവരാണ് ഇരുവരും. കൂടുതല് വിരങ്ങള് അറിയില്ലെന്നും കേസ് സിഐഡിക്ക് കൈമാറിയെന്നും പൊലീസ് പറഞ്ഞു. ധാര്വാഡ് കല്യാണ്നഗറിലെ വസതിയില് ബൈക്കിലെത്തിയ രണ്ടുപേരാണ് അക്രമം നടത്തിയത്. പ്രഭാതഭക്ഷണത്തിനിടെയാണ് സംഭവം. അക്രമികള് വാതിലില് മുട്ടിയപ്പോള് ഭാര്യ വാതില് തുറന്നുവെന്നും കല്ബുര്ഗി ചെന്നപ്പോള് ഇവരിലൊരാള് നെറ്റിയിലേക്കും നെഞ്ചിലേക്കും വെടിയുതിര്ത്തശേഷം കടന്നുകളയുകയായിരുന്നുവെന്നുമാണ് പൊലീസ് പറഞ്ഞത്.
കൊലപാതകത്തിന്റെ കാരണം വ്യക്തമല്ലെങ്കിലും കല്ബുര്ഗിയുടെ കടുത്ത നിലപാടുകളെ എതിര്ക്കുന്നവരെ കേന്ദ്രീകരിച്ചും അന്വേഷണം നടക്കുന്നതായാണു വിവരം. ചില മതവിഭാഗങ്ങളില്നിന്നു ഭീഷണി ഉണ്ടായിരുന്നതിനാല് വീടിനു പൊലീസ് കാവല് ഏര്പ്പെടുത്തിയിരുന്നു. പിന്നീട് അദ്ദേഹത്തിന്റെതന്നെ നിര്ദേശപ്രകാരം പിന്വലിക്കുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
