കേന്ദ്രത്തിന്റെ ചിലവില് ഇനി വിവിഐപി ആകേണ്ട... കെ.ജി. ബാലകൃഷ്ണന് ഉള്പ്പെടെ മുപ്പതോളം വിഐപികളുടെ സുരക്ഷ കേന്ദ്രസര്ക്കാര് പിന്വലിക്കുന്നു
മുന് കേന്ദ്ര ആഭ്യന്തരമന്ത്രി സുശീല് കുമാര് ഷിന്ഡെയുടെ കുടുംബാംഗങ്ങള് ഉള്പ്പെടെ മുപ്പതോളം വിഐപികളുടെ സുരക്ഷ കേന്ദ്രസര്ക്കാര് പിന്വലിക്കുന്നു. ഇതില് ദേശീയ മനുഷ്യാവകാശ കമ്മീഷന് മുന് അധ്യക്ഷന് കെ.ജി. ബാലകൃഷ്ണനും ഉള്പ്പെടും. മുന് ലോക്സഭ സ്പീക്കര് മീര കുമാര്, മുന് ടെലികോം മന്ത്രി എ, രാജ, ജമ്മു കശ്മീര് മുന് ഗവര്ണര് ലഫ്റ്റനന്റ് ജനറല് എസ്.കെ. സിന്ഹ എന്നിവരും സുരക്ഷ റദാക്കുന്നവരുടെ പട്ടികയില് ഉള്പ്പെട്ടിട്ടുണ്ടെന്നാണ് റിപ്പോര്ട്ടുകള്.
തെലുങ്കാന മുഖ്യമന്ത്രി കെ. ചന്ദ്രശേഖര് റാവു, കേരള ഗവര്ണറും മുന് ചീഫ് ജസ്റ്റിസുമായ പി. സദാശിവം, ഉത്തരാഖണ്ഡ് ഗവര്ണര് കെ.കെ. പോള് എന്നിവര്ക്കും കേന്ദ്രസേന നല്കുന്ന സുരക്ഷ പിന്വലിക്കും. ബന്ധപ്പെട്ട സംസ്ഥാന സര്ക്കാരുകള് സുരക്ഷ നല്കുന്നതിനാലാണ് കേന്ദ്രത്തിന്റെ സുരക്ഷ പിന്വലിക്കുന്നത്.
ഇതോടെ മുന് കേന്ദ്രമന്ത്രി സുശീല് കുമാര് ഷിന്ഡെയുടെ ഭാര്യ ഉള്പ്പെടെയുള്ള എട്ടു കുടുംബാംഗങ്ങള് വിഐപികള്ക്ക് നല്കുന്ന സുരക്ഷ പട്ടികയില് നിന്നും ഒഴിവാകും. മുന് കേന്ദ്ര മന്ത്രി സുബോദ് കാന്ത് സഹായി, മുന് പ്രധാനമന്ത്രി മന്മോഹന് സിങിന്റെ പ്രിന്സിപ്പല് സെക്രട്ടറി ടി,കെ,എ. നായര്, മുന് എംപിയും വ്യവസായ പ്രമുഖനുമായ നവീന് ജിന്ഡാല് എന്നിവരും സുരക്ഷ റദാക്കുന്നവരുടെ പട്ടികയില് ഉള്പ്പെട്ടിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
