ബാല് താക്കറെയുടെ സ്വപ്നത്തിനായാണ് താന് പോരാടിയത്; സോണിയക്കും പവാറിനും നന്ദി, ഗവര്ണര്ക്ക് പരിഹാസം; യഥാര്ഥ ശിവസൈനികര് തനിക്ക് ഒപ്പമുണ്ടെന്ന് താക്കറെ; ഇനിയെന്ത്?
മഹാരാഷ്ട്ര മുഖ്യമന്ത്രി സ്ഥാനം രാജിവച്ചുകൊണ്ട് ജനങ്ങളെ അഭിസംബോധന ചെയ്ത ഉദ്ദവ് താക്കറെ കൂടെ നിന്നവരോടുള്ള നന്ദിയും എതിര് പാളയത്തിലേക്ക് പോയവരെ രൂക്ഷമായി വിമര്ശിക്കുകയും ചെയ്തു. മഹാരാഷ്ട്രയില് അപ്രതീക്ഷിത നീക്കത്തിലൂടെ മഹാ വികാസ് അഖാഡി സംഖ്യം രൂപീകരിക്കുകയും രണ്ടര വര്ഷം മുമ്പേ അധികാരത്തിലേറാന് നിര്ണായക സഹായമായി മാറുകയും ചെയ്ത കോണ്ഗ്രസ് അധ്യക്ഷ സോണിയ ഗാന്ധി, എന് സി പി അധ്യക്ഷന് ശരദ് പവാര് എന്നിവരോടുള്ള അഗാഥമായ നന്ദിയാണ് ഉദ്ദവ് ആദ്യം അറിയിച്ചത്.
പിന്നീട് ശിവസേനയുടെയും അച്ഛന് ബാല് താക്കറെയുടെയും സ്വപ്നത്തെക്കുറിച്ചാണ് വാചാലാനായത്. ബാല് താക്കറെയുടെ സ്വപ്നത്തിനായാണ് താന് പോരാടിയത്. യഥാര്ഥ ശിവസൈനികര് തനിക്ക് ഒപ്പമുണ്ടെന്നും അദ്ദേഹം ആത്മവിശ്വാസം പ്രകടിപ്പിച്ചു. പിന്നീട് ഗവര്ണറെ പരിഹസിച്ച ഉദ്ദവ്, വിമതരോടും രാഷ്ട്രീയ എതിരാളികളോടും രൂക്ഷമായ ഭാഷയിലാണ് പ്രതികരിച്ചത്. ബി ജെ പി ഇടപെടല് കാരണം 24 മണിക്കൂറിനുള്ളില് വിശ്വാസ വോട്ട് നടത്താന് പറഞ്ഞ ഗവര്ണര്ക്ക് നന്ദിയെന്നായിരുന്നു പരിഹാസം.
ഇപ്പോള് വിമത ശബ്ദമുയര്ത്തുന്നവര്ക്ക് ശിവസേനയാണ് എല്ലാം നല്കിയത്. ശിവസേനയെ സ്വന്തം നേട്ടത്തിനായി മാത്രം കണ്ടവരാണ് പാര്ട്ടി വിട്ടതെന്നും ഉദ്ധവ് പറഞ്ഞു. ആരോടാണ് നിങ്ങള്ക്ക് വൈരാഗ്യം? എന്ത് പ്രശ്നമുണ്ടെങ്കിലും നേരിട്ട് ചര്ച്ച നടത്താമായിരുന്നു എന്നും വിമതരോട് ഉദ്ധവ് പറഞ്ഞു. ശിവസേനാ പ്രവര്ത്തകര് അമര്ഷത്തിലാണെന്നും അദ്ദേഹം ഓര്മ്മിപ്പിച്ചു. ജനാധിപത്യം നമ്പറുകള് കൊണ്ടുള്ള കളിയാണോ? അങ്ങനെയെങ്കില് തനിക്ക് ആ കളിയില് താത്പര്യമില്ലെന്ന് പ്രഖ്യാപിച്ചുകൊണ്ടാണ് മഹാരാഷ്ട്രയുടെ മുഖ്യമന്ത്രി സ്ഥാനം രാജിവയ്ക്കുന്നതായി ഉദ്ദവ് താക്കറെ വ്യക്തമാക്കിയത്. മുഖ്യമന്ത്രി സ്ഥാനം രാജിവച്ചിറങ്ങുമ്പോള് ഇനി ഉദ്ദവിന്റെ നീക്കം എന്താകും എന്നതാണ് കണ്ടറിയേണ്ടത്. ഒപ്പം മഹാരാഷ്ട്ര രാഷ്ട്രീയത്തില് എന്ത് സംഭവിക്കുമെന്നും.
അതേസമയം നാളെത്തന്നെ വിശ്വാസവോട്ടെടുപ്പ് നടത്തണമെന്ന് സുപ്രീംകോടതി നിര്ദ്ദേശത്തിന് പിന്നാലെയാണ് ഉദ്ധവ് താക്കറേ രാജി പ്രഖ്യാപിച്ചത്. നിലവിലെ സാഹചര്യത്തില് കേവലഭൂരിപക്ഷം തികയ്ക്കാന് ഉദ്ദവ് താക്കറെ സര്ക്കാരന് കഴിയില്ലായിരുന്നു. കേവലഭൂരിപക്ഷത്തിന് 144 പേരുടെ പിന്തുണ വേണമെന്നിരിക്കെ 116 പേരുടെ പിന്തുണ മാത്രമേ ഉറപ്പുള്ളൂ. മറുവശത്ത് ബി ജെ പി ആവട്ടെ വിമതര് അടക്കം 162 പേരുടെ പിന്തുണയാണ് പ്രതീക്ഷിക്കുന്നത്.
https://www.facebook.com/Malayalivartha