ഗുജറാത്ത് നിയമസഭാ തിരഞ്ഞെടുപ്പിന്റെ ആദ്യഘട്ട പോളിങ് ഇന്ന്... 182 അംഗ നിയമസഭയിലെ 89 സീറ്റുകളിലാണ് വോട്ടെടുപ്പ് നടക്കുക.... ഭരണത്തുടര്‍ച്ചയെന്ന ഒറ്റലക്ഷ്യവുമായി ബിജെപി,തിരിച്ചു വരാനൊരുങ്ങി കോണ്‍ഗ്രസ്.. അദ്ഭുതങ്ങള്‍ സൃഷ്ടിക്കാന്‍ എ.എ.പിക്ക് സാധിക്കുമോയെന്ന് ഉറ്റുനോക്കി ദേശീയ രാഷ്ട്രീയം.... ജനവിധി തേടുന്നത് 788 സ്ഥാനാര്‍ത്ഥികള്‍
ഗുജറാത്ത് നിയമസഭാ തിരഞ്ഞെടുപ്പിന്റെ ആദ്യഘട്ട പോളിങ് ഇന്ന്... 182 അംഗ നിയമസഭയിലെ 89 സീറ്റുകളിലാണ് വോട്ടെടുപ്പ് നടക്കുക.... ഭരണത്തുടര്‍ച്ചയെന്ന ഒറ്റലക്ഷ്യവുമായി ബിജെപി,തിരിച്ചു വരാനൊരുങ്ങി കോണ്‍ഗ്രസ്.. അദ്ഭുതങ്ങള്‍ സൃഷ്ടിക്കാന്‍ എ.എ.പിക്ക് സാധിക്കുമോയെന്ന് ഉറ്റുനോക്കി ദേശീയ രാഷ്ട്രീയം.... ജനവിധി തേടുന്നത് 788 സ്ഥാനാര്‍ത്ഥികള്‍
14,382 പോളിംഗ് സ്റ്റേഷനുകളിലായി ഇന്നു രാവിലെ എട്ടിനും വൈകിട്ട് അഞ്ചിനുമിടയില്‍ നടക്കുന്ന വോട്ടെടുപ്പില്‍ ജനവിധി തേടുന്നത് 788 സ്ഥാനാര്‍ത്ഥികളാണ്. ആകെയുള്ള 4.9 കോടി വോട്ടര്‍മാരില്‍ 11.62 ലക്ഷം പുതിയ വോട്ടര്‍മാരാണ്. ബി.ജെ.പിയും കോണ്‍ഗ്രസും എല്ലാ സീറ്റുകളിലും മത്സരിക്കുന്നു.
ആം ആദ്മി പാര്‍ട്ടി 88 സീറ്റുകളിലും ബി.എസ്.പി 57 സീറ്റുകളിലും ഓള്‍ ഇന്ത്യ മജ്ലിസ്-ഇ-ഇത്തിഹാദുല്‍ മുസ്ലിമിന്‍ (എ.ഐ.എം.ഐ.എം) ആറിടത്തുമാണ് മത്സരിക്കുന്നത്. നവംബര്‍ 29ന് അവസാനിച്ച ആദ്യഘട്ട പ്രചാരണത്തില്‍ പ്രധാനമന്ത്രി നരേന്ദ്ര മോദി, അമിത് ഷാ, കോണ്‍ഗ്രസ് അദ്ധ്യക്ഷന്‍ മല്ലികാര്‍ജുന്‍ ഖാര്‍ഗെ, ഡല്‍ഹി മുഖ്യമന്ത്രിയും ആംആദ്മി പാര്‍ട്ടി നേതാവുമായ അരവിന്ദ് കേജ്രി വാള്‍ തുടങ്ങിയ ഉന്നത നേതാക്കള്‍ പങ്കെടുത്തിരുന്നു.
ഇന്ന് വോട്ടെടുപ്പ് നടക്കുന്ന പ്രധാന മണ്ഡലങ്ങള്‍: ഖംഭാലിയ, ഘട്ലോഡിയ, ജാംനഗര്‍ നോര്‍ത്ത്, മോര്‍ബി, സൂറത്ത്, പോര്‍ബന്തര്‍, ദ്വാരക പ്രധാന സ്ഥാനാര്‍ത്ഥികള്‍: ഘട്ലോഡിയയില്‍ മുഖ്യമന്ത്രി ഭൂപേന്ദ്ര പട്ടേലും(ബി.ജെ.പി) കോണ്‍ഗ്രസിന്റെ അമീ യാജ്നിക്കുംവിരാംഗയില്‍ ഹാര്‍ദിക് പട്ടേല്‍(ബി.ജെ.പി), ഭരവാദ് ലഖാഭായ് ഭിഖാഭായി(കോണ്‍ഗ്രസ്)ദ്വാരക ജില്ലയിലെ ഖംബാലിയയില്‍ ഇസുദാന്‍ ഗദ്വി (ആംആദ്മിപാര്‍ട്ടി). ഭാവ്നഗര്‍-റൂറലില്‍ മുന്‍ മന്ത്രി പര്‍ഷോത്തം സോളങ്കി (ബി.ജെ.പി), ജസ്ദനില്‍ കോണ്‍ഗ്രസില്‍ നിന്ന് ബി.ജെ.പിയിലെത്തിയ ആറ് തവണ എം. എല്‍. എ ആയ കുന്‍വര്‍ജി ഭവാലിയ,ജാംനഗര്‍ നോര്‍ത്തില്‍ ക്രിക്കറ്റ് താരം രവീന്ദ്ര ജഡേജയുടെ ഭാര്യ റിവാബ, കത്തഗ്രാമില്‍ ഗുജറാത്ത് ആം ആദ്മി പാര്‍ട്ടി പ്രസിഡന്റ് ഗോപാല്‍ ഇതാലിയ.
അതേസമയം രണ്ടാംഘട്ട വോട്ടെടുപ്പ് നടക്കുന്ന ഡിസംബര്‍ അഞ്ചിന് 93 മണ്ഡലങ്ങളിലെ സ്ഥാനാര്‍ഥികള്‍ ജനവിധി തേടും. ഡിസംബര്‍ എട്ടിനാണ് വോട്ടെണ്ണല്‍ നടക്കുക.
https://www.facebook.com/Malayalivartha
