നാഷണല്‍ ഹെറാള്‍ഡ് കേസില്‍ സോണിയാ ഗാന്ധിയും രാഹുല്‍ ഗാന്ധിയും പാട്യാല ഹൗസ് ഡിസ്ട്രിക് കോടതിയില്‍ ശനിയാഴ്ച ഹാജരാകും. ഉച്ചയ്ക്ക് മൂന്നിന് കോടതിയില്‍ എത്തുമെന്നാണ് വിവരം. കോടതി പരിസരത്ത് സുരക്ഷ ശക്തമാക്കി. വെള്ളിയാഴ്ച മുതല്‍ കൂടുതല്‍ പോലീസിനെ വിന്യസിച്ചു. സ്‌പെഷല്‍ പ്രോട്ടക്ഷന്‍ ഗ്രൂപ്പ്(എസ്.പി.ജി), ഡല്‍ഹി പോലീസ്, ഇന്റലിജനന്‍സ് ബ്യൂറോ എന്നിവയുടെ നേതൃത്വത്തിലാണ് സുരക്ഷാ സന്നാഹങ്ങള്‍ ഒരുക്കുന്നത്. കോടതി പരിസരത്ത് 16 സി.സി.ടി.വി ക്യാമാറകള്‍ സ്ഥാപിച്ചിട്ടുണ്ട്.

കോടതിയില്‍ ഹാജരാകുന്നതിന് മുന്‍പ് ഉച്ചയ്ക്ക് ഒരു മണിയോടെ കോണ്‍ഗ്രസ് പ്രവര്‍ത്തകര്‍ കോടതി പരിസരത്തെത്തും. കോണ്‍ഗ്രസ് എംപിമാരെല്ലാം ഡല്‍ഹിയില്‍ ഉണ്ടാവണമെന്ന് നിര്‍ദേശം നല്‍കിയിട്ടുണ്ട്. ഇരുവരും ഹാജരാകുന്ന സമയത്ത് യൂത്ത് കോണ്‍ഗ്രസ് പ്രവര്‍ത്തകര്‍ കോടതിയിലേക്ക് മാര്‍ച്ച് നടത്തുമെന്ന് പ്രഖ്യാപിച്ചിട്ടുണ്ട്.

കേസില്‍ ജാമ്യാപേക്ഷ നല്‍കേണ്ടെന്നാണ് കോണ്‍ഗ്രസിന്റെ തീരുമാനമെന്നറിയുന്നു. ഇതുമായി ബന്ധപ്പെട്ട മാധ്യമ പ്രവര്‍ത്തകരുടെ ചോദ്യങ്ങള്‍ക്ക് സോണിയാ ഗാന്ധി പ്രതികരിച്ചില്ല. പകരം ജയിലില്‍  പോകാനാണ് ഇരുവരും താല്‍പര്യപ്പെടുന്നതെന്നാണ് വിവരം. കേസ് രാഷ്ട്രീയ ആയുധമാക്കാനാണ് കോണ്‍ഗ്രസ് തീരുമാനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha