ഐപിഎല്ലിൽ ഇന്ന് ചെന്നൈ സൂപ്പർ കിങ്‌സ് ഗുജറാത്ത് ടൈറ്റൻസിനെ നേരിടും. ചെപ്പോക്ക് സ്റ്റേഡിയത്തിലാണ് മത്സരം നടക്കുക. ഇരു ടീമുകൾക്കും പ്ലേ ഓഫ് പ്രതീക്ഷകൾ സജീവമാക്കാനായി വിജയം അനിവാര്യമാണ്. നിലവിൽ 6 വീതം പോയിന്റുകളാണ് ഇരു ടീമുകൾക്കും ഉള്ളത്.

ഉച്ചക്ക് ശേഷം കനത്ത ചൂടാകും സ്റ്റേഡിയത്തിൽ അനുഭവപ്പെടുക. രാത്രിയിൽ മഞ്ഞിന്റെ ആനുകൂല്യം ലഭിക്കാനും സാധ്യത ഇല്ലാത്തതിനാൽ ടോസ് ലഭിക്കുന്ന ടീം ബാറ്റിങ് തെരഞ്ഞെടുത്തേക്കും.

സി എസ് കെയുടെ സൂപ്പർ താരം എം എസ് ധോനി ഇന്ന് കളിക്കാനിറങ്ങുമോയെന്നാണ് ആരാധകർ ഉറ്റുനോക്കുന്നത്. പരിക്ക് കാരണം ഈ സീസണിൽ ഒരു മത്സരങ്ങൾ പോലും ധോനി കളിച്ചിരുന്നില്ല. താരത്തിന്റെ പരിക്ക് പൂർണമായും ഭേദമായെന്നാണ് റിപ്പോർട്ടുകളുള്ളത്.
കഴിഞ്ഞ മത്സരത്തിൽ സെഞ്ച്വറി നേടിയ സഞ്ജു സാംസൺ ഇന്നും അതേ ഫോം തുടർന്നാൽ ചെന്നൈയ്ക്ക് കാര്യങ്ങൾ കൂടുതൽ എളുപ്പമാകും.

അതേ സമയം, ഗുജറാത്തിന്റെ ടോപ് ഓർഡർ ബാറ്റർമാർ മികച്ച ഫോമിലാണുള്ളത്.