നിയമസഭയില്‍ അപമര്യാദയായി പെരുമാറിയെന്ന് ആരോപിച്ച് നടിയും നിയമസഭാംഗവുമായ റോജയ്ക്ക് ആന്ധ്രാ നിയമസഭയില്‍ ഒരു വര്‍ഷത്തേക്ക് വിലക്ക് ഏര്‍പ്പെടുത്തി.

മുഖ്യമന്ത്രി ചന്ദ്രബാബുനായിഡുവിന്റെ പ്രസംഗം തടസ്സപ്പെടുത്തിയെന്നും അദ്ദേഹത്തിന് എതിരേ സഭ്യേതരപരാമര്‍ശം നടത്തിയെന്നുമുള്ള ആരോപണത്തില്‍ റോജയ്‌ക്കെതിരെ നടപടിയാവശ്യപ്പെട്ട് പാര്‍ലമെന്ററി കാര്യമന്ത്രി വൈ. രാമകൃഷ്ണ റാവുവാണ് പ്രമേയം അവതരിപ്പിച്ചത്. പ്രമേയം സ്പീക്കര്‍ കെ ശിവപ്രസാദ് റാവൂ അംഗീകരിച്ചു.

ഇതേ തുടര്‍ന്ന് ഒരു വര്‍ഷത്തേക്ക് സ്പീക്കര്‍ റോജയെ വിലക്കി. സംസ്ഥാനത്തെ പിടിച്ചു കുലുക്കിക്കൊണ്ടിരിക്കുന്ന കോള്‍ മണി റാക്കറ്റുമായി ബന്ധപ്പെട്ട് സംസാരിക്കുമ്പോള്‍ മുഖ്യമന്ത്രിയെ മോശമായ പദം ഉപയോഗിച്ച് റോജ അപമാനിച്ചെന്നായിരുന്നു ആരോപണം.

റോജയുടെ പെരുമാറ്റം സഭ്യേതരമാണെന്ന് കാണിച്ച് തെലുങ്ക് ദേശം പാര്‍ട്ടി അംഗങ്ങള്‍ രംഗത്ത് വരികയായിരുന്നു. സംഭവത്തില്‍ നായിഡുവിന് എതിരേ പ്രതിപക്ഷം മുദ്രാവാക്യം മുഴക്കുമ്പോഴാണ് റോജയുടെ പ്രസ്താവന വന്നത്.

തന്നെ പ്രതിപക്ഷത്തെ ചില അംഗങ്ങള്‍ കയ്യേറ്റം ചെയ്തതായി ആന്ധ്രാ മുഖ്യമന്ത്രി പറഞ്ഞു. സംഭവത്തില്‍ അറസ്റ്റ് ചെയ്ത ഭൂരിപക്ഷം പേര്‍ക്കും പ്രതിപക്ഷവുമായി ബന്ധമുള്ളവരാണെന്നും ചന്ദ്രബാബു നായിഡു വ്യക്തമാക്കി.

മുഖ്യമന്ത്രിയുടെ പ്രസംഗം തടസ്സപ്പെടുത്തിയ റോജ അദ്ദേഹത്തിനെതിരെ സഭ്യേതരപരാമര്‍ശം നടത്തിയെന്നാണ് ഭരണകക്ഷിയുടെ ആരോപണം. കഴിഞ്ഞ ദിവസമാണ് കോള്‍മണി റാക്കറ്റ് പോലീസിന്റെ പിടിയില്‍ കുടുങ്ങിയത്. വന്‍ തോതില്‍ പലിശ വാങ്ങുന്ന സംഘത്തിലെ 80 പേരെ പോലീസ് അറസ്റ്റ് ചെയ്തത് വലിയ ഒച്ചപ്പാടിന് ഇടയാക്കിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha