സീതാറാം യെച്ചൂരിക്ക് പ്ലീനത്തില് വിമര്ശനം
സീതാറാം യെച്ചൂരി രണ്ട് പദവികള് ഒരേ സമയം വഹിക്കുന്നതില് പ്ലീനത്തില് വിമര്ശനം.പാര്ട്ടി ജനറല് സെക്രട്ടറി പദവിയും എംപി സ്ഥാനവും ഒരേ സമയം വഹിക്കുന്നതിനെതിരെയാണ് വിമര്ശനം. എംപി സ്ഥാനം നേരത്തെ രാജിവെയ്ക്കാന് തയ്യാറെന്ന് പാര്ട്ടിയെ അറിയച്ചതാണെന്ന് യെച്ചൂരി പറഞ്ഞു. പാര്ട്ടി അറിയിക്കാത്തതു കൊണ്ടാണ് എംപി സ്ഥാനം രാജിവെയ്ക്കാത്തതെന്ന് യെച്ചൂരി അറിയിച്ചു.
പ്ലീനത്തിലെ പൊതു ചര്ച്ചയിലാണ് യെച്ചൂരിക്കെതിരെ തെലങ്കാനയില് നിന്നുള്ള അംഗം വിമര്ശനം ഉന്നയിച്ചത്. എന്നാല് പാര്ട്ടി നേതൃത്വം ഏറ്റെടുത്തപ്പോള് തന്നെ എംപി സ്ഥാനം രാജി വെക്കാന് തയ്യാറാണെന്ന് പാര്ട്ടിയെ അറിയിച്ചുവെന്ന് യെച്ചൂരി മറുപടി നല്കി. പക്ഷേ രാജ്യസഭ സീറ്റ് നഷ്ടപ്പെടും എന്നതിനാല് പാര്ട്ടി അനുവദിച്ചില്ലെന്നും യെച്ചൂരി മറുപടി പറഞ്ഞു. തുടര്ന്ന് പിബിയും സിസിയും ചര്ച്ച ചെയ്താണ് എംപി സ്ഥാനം തുടരാന് തീരുമാനമെടുത്തതെന്നും യെച്ചൂരി വ്യക്തമാക്കി.
അതേസമയം നേതൃനിരയില് ഉള്ളവരുടെ ഉയര്ന്ന സാമൂഹിക പശ്ചാത്തലം കാരണം അടിസ്ഥാന വര്ഗ്ഗ പാര്ട്ടിയെന്ന സിപിഐഎമ്മിന്റെ പ്രതിഛായ നഷ്ടമാകുന്നുവെന്ന് പ്ലീനം രേഖയില് വിമര്ശനം ഉണ്ടായിരുന്നു. പാര്ട്ടിയുടെ സാമൂഹിക ഘടനയും ചില സംസ്ഥാന സമിതികളിലെ അംഗത്വവും തമ്മില് വലിയ പൊരുത്തക്കേടുണ്ടെന്ന് പ്ലീനം റിപ്പോര്ട്ട് വെളിപ്പെടുത്തുന്നു. പട്ടികജാതിപട്ടിക വര്ഗ്ഗ വിഭാഗക്കാര്ക്കും ന്യൂന പക്ഷത്തിനും നാമ മാത്രമായ പ്രാതിനിധ്യമെ പാര്ട്ടിയുടെ ഉന്നത സമിതികളില് ഉളളുവെന്നും പ്ലീനം രേഖ വ്യക്തമാക്കി.
മുഖ്യധാര മാധ്യമങ്ങളോട് മുഖം തിരിക്കാതെ പാര്ട്ടിയുടെ വികസനത്തിനായി ഉപയോഗപ്പെടുത്തണമെന്ന് പീനം നിര്ദേശിച്ചു . മാധ്യമങ്ങളോടുളള പാര്്ട്ടിയുടെ സമീപനത്തില് മാറ്റം വരണം. മുഖ്യധാരാ മാധ്യമങ്ങളിലെ അവസരങ്ങള് പാര്ട്ടി ഉപയോഗപ്പെടുത്തണം. നവമാധ്യമങ്ങളില് സജീവമായ പങ്കാളിത്തം വേണം. എല്ലാ ജില്ലകളിലും നവമാധ്യമ യൂണിറ്റ് ഉണ്ടാക്കാനും പ്ലീനം നിര്ദ്ദേശിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha