ബീഹാറിലെ ബക്സറിനുസമീപം തീവണ്ടി പാളംതെറ്റി....അപകടത്തില്‍ നാലു മരണം, നിരവധി പേര്‍ക്ക് പരുക്കേറ്റതായി സൂചനകള്‍. നോര്‍ത്ത് ഈസ്റ്റ് എക്സ്പ്രസ് തീവണ്ടിയാണ് അപകടത്തില്‍പ്പെട്ടത്.

ബക്സറിലെ രഘുനാഥ്പുര്‍ സ്റ്റേഷനു സമീപത്തുവെച്ച് ബുധനാഴ്ച രാത്രി 9.30-ഓടെയാണ് അപകടമുണ്ടായത്. ഡല്‍ഹിയിലെ അനന്ത്വിഹാര്‍ റെയില്‍വേ സ്റ്റേഷനില്‍ നിന്ന് അസമിലെ കാമാഖ്യയയിലേക്ക് പോവുകയായിരുന്നു തീവണ്ടി. മൂന്ന് കോച്ചുകള്‍ പാളംതെറ്റിയെന്നാണ് പ്രാഥമിക വിവരം.

പ്രദേശത്ത് രക്ഷാപ്രവര്‍ത്തനം പുരോഗമിക്കുന്നു. ദുരന്തനിവാരണസേനയും അപകടസ്ഥലത്തെത്തി്. സമീപപ്രദേശത്തെ ആശുപത്രികള്‍ക്ക് അധികൃതര്‍ ജാഗ്രതാനിര്‍ദേശം നല്‍കുകയും ചെയ്തു.