ജമ്മുകശ്മീരിലെ കുപ്വാരയില്‍ നുഴഞ്ഞുകയറ്റ ശ്രമം പരാജയപ്പെടുത്തി സൈന്യം. ഭീകരനെ വകവരുത്തിയതായി പോലീസ് അറിയിച്ചു. കുപ്വാരയിലെ നിയന്ത്രണരേഖയ്ക്ക് സമീപമുള്ള കേരന്‍ സെക്ടറിലായിരുന്നു ഏറ്റുമുട്ടലുണ്ടായത്.

ജുമാഗുണ്ട് ഏരിയയില്‍ ഞായറാഴ്ച രാത്രിയായിരുന്നു സംഭവം. തിങ്കളാഴ്ച രാവിലെ നടത്തിയ പരിശോധനയ്ക്ക് പിന്നാലെ ഭീകരന്റെ മൃതദേഹം കണ്ടെടുത്തതായി പോലീസ് .

കഴിഞ്ഞ ദിവസം കുപ്വാരയിലുണ്ടായ ഏറ്റുമുട്ടലില്‍ അഞ്ച് ലഷ്‌കര്‍ ഭീകരരെ സൈന്യം വധിച്ചിരുന്നു. മച്ചില്‍ സെക്ടറിലായിരുന്നു ഏറ്റുമുട്ടലുണ്ടായത്. ഈ വര്‍ഷം മാത്രം 46 ഭീകരരെ വധിച്ചതായാണ് കണക്ക്.