യുദ്ധം രൂക്ഷമാകുന്നതിനിടയിൽ ഗാസയിലെ സ്ഥിതി കൂടുതൽ മോശമാകുകയാണ്. ഇസ്രയേൽ-ഹമാസ് യുദ്ധം കാരണം അവശ്യവസ്തുക്ഷാമം രൂക്ഷമാകുകയാണ് ഗാസയിൽ. യു.എൻ പാണ്ടികശാലകൾ ജനം കൊള്ളയടിച്ചു എന്ന വിവരമാണ് പുറത്ത് വരുന്നത്. ഖാൻ യൂനിസ്, ദൈർ അൽ ബല, ഗാസ സിറ്റി തുടങ്ങി നാലിടങ്ങളിൽ അവശ്യവസ്തു സൂക്ഷിപ്പുകേന്ദ്രങ്ങളുണ്ടായിരുന്നു .

ഇവിടെ അതിക്രമിച്ച് കടന്നുകയറിയ ആയിരങ്ങൾ വിതരണത്തിനായുള്ള ധാന്യപ്പൊടിയുൾപ്പെടെയുള്ളവ ചാക്കോടെ എടുത്തുകൊണ്ടുപോയി എന്നാണ് പുറത്ത് വരുന്ന വിവരം. പലസ്തീൻ കാര്യങ്ങൾക്കായുള്ള യു.എൻ. ഏജൻസിയായ ഉന്റയാണ് ആശങ്ക പ്രകടിപ്പിച്ചിരിക്കുന്നത് . ഉന്റയാണ് , യുദ്ധം തുടങ്ങുന്നതിനു മുന്നെയും ശേഷവും ഗാസയ്ക്കുവേണ്ട അടിസ്ഥാന സൗകര്യങ്ങൾ നൽകുന്നത് .

യുദ്ധം തുടങ്ങിയശേഷം ഈജിപ്ത് വഴി ഗാസയിലെത്തിയ അവശ്യവസ്തുക്കൾ സൂക്ഷിച്ചിരുന്ന കെട്ടിടങ്ങളിലേക്കാണ് ജനങ്ങൾ ഇടിച്ചുകയറിയതെന്ന് ഉന്റ വക്താവ് ജൂലിയറ്റ് ടൗമ വ്യക്തമാക്കി. ഈജിപ്തിൽ നിന്ന് ആദ്യ ലോറികൾ ഗാസയിലെത്തിയത് ഈ മാസം 20-നായിരുന്നു .

ഒരാഴ്ചകൊണ്ട് 84 ലോറി സാധനങ്ങൾമാത്രമാണ് ഗാസയ്ക്കു കിട്ടിയത് യുദ്ധം തുടങ്ങും മുമ്പ് ദിവസവും അഞ്ഞൂറോളം ലോറികൾ എത്തിയിരുന്ന സ്ഥാനത്താണിത് എന്നതാണ് ശ്രദ്ധേയമായ കാര്യം .യുദ്ധം മൂന്നാഴ്ച പിന്നിടുകയാണ്. ഗാസയിലെ ജനങ്ങളിൽ നൈരാശ്യം വളരുകയാണ്. മാത്രമല്ല ക്രമസമാധാനം തകരുകയാണ് എന്നാണ് ഉന്ടാ വ്യക്തമാക്കുന്നത്.