പട്ടാപ്പകല്‍ ആളുകള്‍ നോക്കിനില്‍ക്കെ ബൈക്കിലെത്തി 19കാരിയെ തട്ടിക്കൊണ്ട് പോയി. പെട്രോള്‍ പമ്ബില്‍ നിര്‍ത്തിയിട്ടിരുന്ന ബൈക്കിലേക്ക് മുഖം മൂടികെട്ടിയ ഒരാള്‍ പെണ്‍കുട്ടിയെ വലിച്ചുകൊണ്ട് വന്ന് ബൈക്കില്‍ കയറ്റികൊണ്ട് പോകുകയായിരുന്നു.

മദ്ധ്യപ്രദേശിലെ ഗ്വാളിയോറിലാണ് സംഭവം. ഇന്ന് രാവിലെ 8.50നാണ് മദ്ധ്യപ്രദേശിലെ ഭിന്‍ഡ് ജില്ലയിലെ ബി എ വിദ്യാര്‍ത്ഥിയായ 19കാരിയെ തട്ടിക്കൊണ്ടുപോയത്. ദീപാവലി ആഘോഷിക്കാന്‍ വീട്ടിലേയ്ക്ക് പോകാനായി പമ്ബിനടുത്ത് നില്‍ക്കുകയായിരുന്നു പെണ്‍കുട്ടി. ബസിറങ്ങി മിനിട്ടുകള്‍ക്കുള്ളില്‍ രണ്ടുപേര്‍ ബൈക്കിലെത്തി പെണ്‍കുട്ടിയെ പിടികൂടുകയായിരുന്നു. സംഭവത്തിന്റെ സി സി ടി വി ദൃശ്യങ്ങള്‍ പുറത്തുവന്നിട്ടുണ്ട്.

പ്രതികളില്‍ ഒരാള്‍ ഹെല്‍മറ്റ് ധരിച്ചിരുന്നു. മറ്റൊരാള്‍ മുഖം തുണി ഉപയോഗിച്ച് മറച്ചിരുന്നു. ബൈക്കിലെത്തിയ ഇവര്‍ കുട്ടിയെ ബൈക്കില്‍ കയറ്റാന്‍ ശ്രമിച്ചു. ബൈക്കില്‍ കയറാന്‍ കൂട്ടാക്കാതിരുന്ന പെണ്‍കുട്ടിയെ എടുത്തുയര്‍ത്തി ബൈക്കില്‍ കയറ്റി കൊണ്ടുപോവുകയായിരുന്നു. ഈ സമയം പമ്ബില്‍ കുറച്ചുപേര്‍ നില്‍ക്കുന്നുണ്ടെങ്കിലും ആരും ഇത് തടയാന്‍ ശ്രമിച്ചില്ല. സി സി ടി വി ദൃശ്യങ്ങള്‍ കേന്ദ്രീകരിച്ച് പൊലീസ് അന്വേഷണം ആരംഭിച്ചു.