തിരഞ്ഞെടുപ്പ് വിജയത്തിന് പിന്നാലെ രാജസ്ഥാന്‍, മധ്യപ്രദേശ്, ഛത്തീസ്ഗഢ് എന്നീ മൂന്ന് സംസ്ഥാനങ്ങളിലെ ജനങ്ങള്‍ക്ക് നന്ദി പറഞ്ഞ് പ്രധാനമന്ത്രി നരേന്ദ്ര മോഡി. ഞങ്ങള്‍ ജനങ്ങളെ നമിക്കുന്നു. ഛത്തീസ്ഗഢ്, മധ്യപ്രദേശ്, രാജസ്ഥാന്‍ എന്നീ സംസ്ഥാനങ്ങളിലെ ഫലങ്ങള്‍ സൂചിപ്പിക്കുന്നത്, ബിജെപി നിലകൊള്ളുന്ന സദ്ഭരണത്തിന്റെയും വികസനത്തിന്റെയും രാഷ്ട്രീയത്തിനൊപ്പം ഇന്ത്യയിലെ ജനങ്ങള്‍ ഉറച്ചുനില്‍ക്കുന്നു എന്നാണ്.

ഈ സംസ്ഥാനങ്ങളിലെ ജനങ്ങള്‍ ബിജെപിയ്ക്ക് നല്‍കിയ അചഞ്ചലമായ പിന്തുണക്ക് ഞാന്‍ നന്ദി പറയുന്നു. അവരുടെ ക്ഷേമത്തിനായി ഞങ്ങള്‍ അക്ഷീണം പ്രയത്‌നിക്കുമെന്ന് ഉറപ്പ് നല്‍കുന്നു. കഠിനാധ്വാനികളായ പാര്‍ട്ടി പ്രവര്‍ത്തകര്‍ക്ക് പ്രത്യേക നന്ദി. അവരോരോരുത്തരും മാതൃകാപരമാണ് അവര്‍ അക്ഷീണം പ്രവര്‍ത്തിക്കുകയും ഞങ്ങളുടെ വികസന അജണ്ട ജനങ്ങള്‍ക്കിടയില്‍ ഉയര്‍ത്തിക്കാട്ടുകയും ചെയ്തു.'- എക്സിലൂടെയായിരുന്നു പ്രധാനമന്ത്രിയുടെ പ്രതികരണം.

അതേസമയം തെലങ്കാനയിലെ പരാജയം പ്രധാനമന്ത്രി മോഡി അംഗീകരിച്ചു. അവിടെ കോണ്‍ഗ്രസ് ഏഴ് സീറ്റുകളില്‍ വിജയിക്കുകയും 119 നിയമസഭകളില്‍ 56 സീറ്റുകളില്‍ ലീഡ് നേടുകയും ചെയ്തിട്ടുണ്ട്. 'തെലങ്കാനയിലെ എന്റെ പ്രിയ സഹോദരീ സഹോദരന്മാരേ, ബിജെപിക്കുള്ള നിങ്ങളുടെ പിന്തുണയ്ക്ക് നന്ദി. കഴിഞ്ഞ കുറച്ച് വര്‍ഷങ്ങളായി ഈ പിന്തുണ വര്‍ദ്ധിച്ചുകൊണ്ടിരിക്കുകയാണ്, വരും കാലങ്ങളിലും ഈ പ്രവണത തുടരണം. തെലങ്കാനയുമായുള്ള ഞങ്ങളുടെ ബന്ധം അഭേദ്യമാണ്, ഞങ്ങള്‍ ജനങ്ങള്‍ക്ക് വേണ്ടി പ്രവര്‍ത്തിക്കുന്നത് തുടരും, ഓരോ ബിജെപിയുടെയും കഠിനാധ്വാനത്തെ ഞാന്‍ അഭിനന്ദിക്കുന്നു.'- അദ്ദേഹം കൂട്ടിച്ചേര്‍ത്തു.