നയങ്ങൾക്ക് മുൻഗണന നൽകിയാൽ ഉദ്ദേശ ലക്ഷ്യങ്ങൾ നേടാനാകുമെന്നതിന്റെ തെളിവാണ് ഇന്ത്യയുടെ വളർച്ച ലോകത്തിന് മുന്നിൽ വെളിവാക്കുന്നത്; തുറന്നടിച്ച് ഇന്ത്യൻ പ്രധാനമന്ത്രി നരേന്ദ്ര മോദി
![](https://www.malayalivartha.com/assets/coverphotos/w657/300882_1702127867.jpg)
നയങ്ങൾക്ക് മുൻഗണന നൽകിയാൽ ഉദ്ദേശലക്ഷ്യങ്ങൾ നേടാനാകുമെന്നതിന്റെ തെളിവാണ് ഇന്ത്യയുടെ വളർച്ച ലോകത്തിന് മുന്നിൽ വെളിവാക്കുന്നതെന്ന്, പ്രധാനമന്ത്രി നരേന്ദ്ര മോദി.
ഇൻഫിനിറ്റി ഫോറം- 2.ഒ പരിപാടിയെ വെർച്വലായി അഭിസംബോധന ചെയ്യുകയായിരുന്നു അദ്ദേഹം.
ഇന്ത്യയിൽ ചുവപ്പുനാട കുറഞ്ഞതായും നിക്ഷേപ അന്തരീക്ഷം മെച്ചപ്പെട്ടതായും (ഏതാനും ആഴ്ചകൾക്ക് മുമ്പ്) ലോക സാമ്പത്തിക ഫോറം അഭിപ്രായപ്പെട്ടതായി അദ്ദേഹം പറഞ്ഞു.
കാലാവസ്ഥ വ്യതിയാനമെന്ന ആഗോള വെല്ലുവിളിയെ ഇന്ത്യ ഗൌരവതരമായാണ് വീക്ഷിക്കുന്നത്.
കോപ്പ് 28 ഉച്ചകോടിയിൽ ലോകത്തിനു മുമ്പിൽ ഇന്ത്യ പുത്തൻ പ്രതിജ്ഞാബദ്ധതകൾ അവതരിപ്പിച്ചതായി പ്രധാനമന്ത്രി അറിയിച്ചു.
കേന്ദ്ര സർക്കാരിന്റെ സാമ്പത്തിക, സാങ്കേതിക വിദ്യ ഫ്ലാഗ്ഷിപ് പരിപാടിയുടെ രണ്ടാം പതിപ്പാണിത്.
ഇന്റർനാഷണൽ ഫിനാൻഷ്യൽ സർവ്വീസസ് സെന്റേർസ് അതോറിറ്റീസ് - ഇഫ്സ്കാ, ഗുജറാത്ത് ഇന്റർനാഷണൽ ഫിനാൻസ് ടെക്സ് സിറ്റി എന്നിവരാണ് പരിപാടിയുടെ സംഘാടകർ.
ഹൈബ്രിഡ് രീതിയിൽ ഗുജറാത്തിലെ ഗിഫ്റ്റ് സിറ്റിയിലാണ് പരിപാടി നടക്കുക.
വൈബ്രന്റ് ഗുജറാത്ത് ആഗോള ഉച്ചകോടി 2024 ന് മുന്നോടിയായാണ്, പരിപാടി സംഘടിപ്പിച്ചിരിക്കുന്നത്.
കേന്ദ്ര വാണിജ്യ മന്ത്രി പീയുഷ് ഗോയൽ, റെയിൽവേ മന്ത്രി അശ്വിനി വൈഷ്ണവ്, ഗുജറാത്ത് മുഖ്യമന്ത്രി ഭൂപേന്ദ്ര പട്ടേൽ ഉൾപ്പെടെ കേന്ദ്ര - സംസ്ഥാന മന്ത്രിമാർ പരിപാടിയിൽ പങ്കെടുക്കും.
https://www.facebook.com/Malayalivartha