പാര്ലമെന്റിലെ സുരക്ഷാ വീഴ്ചയുമായി ബന്ധപ്പെട്ട് ലോക്സഭാ സ്പീക്കര് ഓം ബിര്ള എല്ലാ എംപിമാര്ക്കും കത്തയച്ചു
പാര്ലമെന്റിലെ സുരക്ഷാ വീഴ്ചയുമായി ബന്ധപ്പെട്ട് ലോക്സഭാ സ്പീക്കര് ഓം ബിര്ള എല്ലാ എംപിമാര്ക്കും കത്തയച്ചു. ചില അംഗങ്ങളെ സസ്പെന്ഡ് ചെയ്യാനുള്ള സഭയുടെ തീരുമാനത്തെ ഡിസംബര് 13ന് നടന്ന പാര്ലമെന്റ് സുരക്ഷാ ലംഘനവുമായി ബന്ധിപ്പിക്കുന്നത് നിര്ഭാഗ്യകരമാണെന്ന് ഓം ബിര്ള പറഞ്ഞു. 'ഞങ്ങളുടെ പാര്ലമെന്റിന്റെ പുതിയ കെട്ടിടത്തിന്റെ ഉദ്ഘാടന വേളയില്, സഭയ്ക്കുള്ളില് പ്ലക്കാര്ഡുകള് കൊണ്ടുവരുന്നത് ഒഴിവാക്കുമെന്നും സഭയില് ഇറങ്ങി പ്രതിഷേധിക്കില്ലെന്നും തീരുമാനിച്ചിരുന്നു' ബിര്ള പറഞ്ഞു.
''സഭയുടെ നടപടിക്രമങ്ങള്ക്കിടയിലെ അനുചിതമായ പെരുമാറ്റത്തെയും തടസ്സങ്ങളെയും നമ്മുടെ രാജ്യത്തെ ജനങ്ങള് വിലമതിക്കുന്നില്ലെന്ന് ഞങ്ങള്ക്ക് നന്നായി അറിയാം. അതുകൊണ്ടാണ് പാര്ലമെന്റിന്റെ മര്യാദയുടെയും അന്തസ്സിന്റെയും ഉയര്ന്ന നിലവാരം സ്ഥാപിക്കാന് ഞങ്ങള് ഏകകണ്ഠമായി പറയുന്നത്. അംഗങ്ങളെ സസ്പെന്ഡ് ചെയ്യുന്നതിനുള്ള കര്ശന നടപടി സ്വീകരിക്കാന് താന് നിര്ബന്ധിതനാണ്' ഓം ബിര്ള പറഞ്ഞു.
ഡിസംബര് 13ന് ഉണ്ടായ വന് സുരക്ഷാവീഴ്ചയെ തുടര്ന്ന് സ്വീകരിച്ച നടപടികളെക്കുറിച്ച് ലോക്സഭാ സ്പീക്കര് എംപിമാരെ അറിയിച്ചു. സംഭവത്തെക്കുറിച്ച് അന്വേഷിക്കാന് ഉന്നതതല അന്വേഷണ സമിതിക്ക് രൂപം നല്കിയിട്ടുണ്ടെന്നും അദ്ദേഹം പറഞ്ഞു. 'സമിതി ഇതുമായി ബന്ധപ്പെട്ട പ്രവര്ത്തനങ്ങള് ആരംഭിച്ചു. ഈ സമിതിയുടെ റിപ്പോര്ട്ട് ഉടന് തന്നെ സഭയുമായി പങ്കുവെക്കും. കൂടാതെ, പാര്ലമെന്റ് സമുച്ചയത്തിലെ സുരക്ഷയുടെ വിവിധ വശങ്ങള് അവലോകനം ചെയ്യുകയും അത്തരം സംഭവങ്ങള് ആവര്ത്തിക്കാതിരിക്കാന് കൃത്യമായ പദ്ധതി രൂപീകരിക്കുകയും ചെയ്യുന്ന ഒരു ഉന്നതാധികാര സമിതിയും രൂപീകരിച്ചിട്ടുണ്ട്' ഓം ബിര്ള വ്യക്തമാക്കി.
അതേസമയം പാര്ലമെന്റ് സുരക്ഷാ ലംഘനക്കേസിലെ ആറാം പ്രതി മഹേഷ് കുമാവതിന്റെ അറസ്റ്റ് രേഖപ്പെടുത്തി ഡല്ഹി പോലീസ്. ഗൂഢാലോചനയുടെ മുഴുവന് കാര്യങ്ങളും മഹേഷിന് അറിയാമായിരുന്നുവെന്നും ഡിസംബര് 13ന് ഇയാള് ഡല്ഹിയില് എത്തിയിരുന്നതായും ഉദ്യോഗസ്ഥര് പറഞ്ഞു. സംഭവത്തിന് ശേഷം ഡല്ഹിയില് നിന്ന് പ്രധാന സൂത്രധാരനായ ലളിത് ഝാ രക്ഷപ്പെട്ടത് രാജസ്ഥാനിലെ മഹേഷിന്റെ ഒളിത്താവളത്തിലേക്കാണ്. ആദ്യം അറസ്റ്റിലായ നാലു പ്രതികളുടെ മൊബൈല് ഫോണുകള് നശിപ്പിച്ചതില് ലളിതിനൊപ്പം മഹേഷിനും പങ്കുണ്ടെന്ന് ഉദ്യോ?ഗസ്ഥര് വ്യക്തമാക്കി. ലളിതും മഹേഷും വ്യാഴാഴ്ച ന്യൂഡല്ഹിയിലെ പോലീസ് സ്റ്റേഷനില് ഒരുമിച്ച് കീഴടങ്ങുകയായിരുന്നു. വെള്ളിയാഴ്ചയാണ് ലളിതിന്റെ അറസ്റ്റ് രേഖപ്പെടുത്തിയത്.
https://www.facebook.com/Malayalivartha
