കർണാടകയിലെ ബല്ലാരി ആസ്ഥാനമായി പ്രവർത്തിക്കുന്ന ഇസ്ലാമിക് സ്റ്റേറ്റ് ഓഫ് ഇറാഖ് ആൻഡ് സിറിയ (ഐഎസ്ഐഎസ്) മൊഡ്യൂളിന്റെ തലവൻ ഉൾപ്പെടെ തീവ്രവാദികളെന്ന് സംശയിക്കുന്ന എട്ട് പേരെ ദേശീയ അന്വേഷണ ഏജൻസി (എൻഐഎ) തിങ്കളാഴ്ച അറസ്റ്റ് ചെയ്തു. പ്രത്യേകിച്ച് ഐഇഡി സ്ഫോടനങ്ങൾ" നടത്താനുള്ള പ്രതികളുടെ പദ്ധതികൾ പരാജയപ്പെടുത്തിയതായി ഏജൻസി പറഞ്ഞു.

ദക്ഷിണേന്ത്യയിലെ 19 സ്ഥലങ്ങളില്‍ തിരച്ചില്‍ നടത്തിയതായി വൃത്തങ്ങള്‍ അറിയിച്ചു. ഇന്നലെ രാവിലെ മുതലാണ് റെയ്ഡ് ആരംഭിച്ചത്. സംസ്ഥാന പോലീസ് സേനയുമായി അടുത്ത ഏകോപനത്തോടെയാണ് ഭീകരവാദ വിരുദ്ധ ഏജന്‍സി ഈ റെയ്ഡുകള്‍ നടത്തിയത്.

റെയ് ഡില്‍ നിരോധിക്കപ്പെട്ട ഇസ്ലാമിക് സ്റ്റേറ്റിന്റെ നേതാവ് മിനാസിനെ അറസ്റ്റ് ചെയ്തു.ബെല്ലാരി കേന്ദ്രമായി പ്രവര്‍ത്തിച്ചുവരുന്ന ഐഎസ് രഹസ്യ കേന്ദ്രം തകര്‍ക്കുകയും ചെയ്തു. ബെല്ലാരിയിലെ രഹസ്യഗ്രൂപ്പിന്റെ നേതാവ് മിനാസ് എന്ന മുഹമ്മദ് സുലൈമാനെ അറസ്റ്റ് ചെയ്യാന്‍ കഴിഞ്ഞത് വലിയ നേട്ടമാണ്. കാരണം ഇന്ത്യയുടെ പലഭാഗങ്ങളിലും ചില ഐഇഡി ഉപയോഗിച്ച് നിയന്ത്രിത സ്ഫോടനപദ്ധതികള്‍ ഇവര്‍ ആസൂത്രണം ചെയ്തുവരികയായിരുന്നു. അത് തകര്‍ക്കാന്‍ കഴിഞ്ഞു.

“പ്രാഥമിക അന്വേഷണമനുസരിച്ച്, പ്രതികൾ ഐഇഡികൾ നിർമ്മിക്കുന്നതിനായി സ്ഫോടനാത്മക അസംസ്കൃത വസ്തുക്കൾ ഉപയോഗിക്കാൻ പദ്ധതിയിട്ടിരുന്നു, അവ തീവ്രവാദ പ്രവർത്തനങ്ങൾ നടത്താൻ ഉപയോഗിക്കും,” കേന്ദ്ര ഏജൻസി പറഞ്ഞു.

ശക്തിയേറിയ ബോംബുണ്ടാക്കുന്നതിനുള്ള സ്ഫോടക വസ്തുക്കളായ സള്‍ഫര്‍, പൊട്ടാസിയം നൈട്രേറ്റ്, ചാര്‍ക്കോള്‍, ഗണ്‍പൗഡര്‍, പഞ്ചസാര, എത്തനോള്‍, മൂര്‍ച്ചയേറിയ ആയുധങ്ങള്‍, കണക്കില്‍പ്പെടാത്ത പണം, സ്മാര്‍ട്ട് ഫോണുകള്‍, ഡിജിറ്റല്‍ ഉപകരണങ്ങള്‍ എന്നിവയും കണ്ടെടുത്തിട്ടുണ്ട്.

ബെല്ലാരിയില്‍ നിന്നും മിനാജ്, സയ്യിദ് ഷമീര്‍, മുംബൈയില്‍ നിന്നും അനസ് ഇഖ്ബാല്‍ ഷെയ്ഖ്, ബെംഗളൂരുവില്‍ നിന്നും സയ്യിദ് സമിയുള്ള, മുഹമ്മദ് മുസമ്മില്‍, ദല്‍ഹിയില്‍ നിന്നും ഷയാന്‍ റഹ്മാന്‍, ജംഷഡ് പൂരില്‍ നിന്നും മുഹമ്മദ് ഷബാസ് എന്നിവരാണ് എന്‍ഐഎ പിടിയിലായത്.

തിരച്ചില്‍ നടത്തിയ മറ്റ് സ്ഥലങ്ങള്‍ രണ്ട് പ്രതികളുമായി ബന്ധമുള്ളതാണ്. മുഹമ്മദ് ഉമര്‍, മുഹമ്മദ് ഫൈസല്‍ റബ്ബാനി, തന്‍വീര്‍ അഹമ്മദ്, മുഹമ്മദ് ഫാറൂഖ് എന്നിവരുടെ സ്ഥലങ്ങളില്‍ നടത്തിയ റെയ്ഡില്‍ നിരവധി ഡിജിറ്റല്‍ ഉപകരണങ്ങളും വിവിധ രേഖകളും 7.3 ലക്ഷം രൂപയും എന്‍ഐഎ സംഘം പിടിച്ചെടുത്തു. ജുനൈദ് അഹമ്മദ് ഒളിവിലാണ്. ഐപിസിയുടെ വിവിധ വകുപ്പുകള്‍, 1967ലെ യുഎ(പി) ആക്ട്, 1884ലെ സ്‌ഫോടകവസ്തു നിയമം എന്നിവ പ്രകാരം രജിസ്റ്റര്‍ ചെയ്ത കേസില്‍ മൂന്ന് പ്രതികള്‍ ഇപ്പോള്‍ ഒളിവിലാണ്.

2023 ഡിസംബർ 14 ന് ഐഎസിൽ നിന്ന് പ്രചോദനം ഉൾക്കൊണ്ട ബല്ലാരി മൊഡ്യൂളിനെതിരെ എൻഐഎ കേസെടുത്തിരുന്നു. അന്വേഷണത്തിൽ പ്രതികൾ അക്രമാസക്തമായ ജിഹാദ്, ഖിലാഫത്ത്, ഐഎസ്ഐഎസ് തുടങ്ങിയവയുടെ പാത പിന്തുടരുന്നതായി കണ്ടെത്തിയതായും അവരുമായി നിരന്തരം ബന്ധപ്പെട്ടിരുന്നതായും കണ്ടെത്തിയിട്ടുണ്ട് എന്ന് എൻഐഎ അറിയിച്ചു. എൻക്രിപ്റ്റ് ചെയ്ത ആപ്ലിക്കേഷനുകളിലൂടെ പരസ്പരം ഇവർ ബന്ധപ്പെട്ടിരുന്നത്.

“റിക്രൂട്ട്‌മെന്റിനായി അവർ കോളേജ് വിദ്യാർത്ഥികളെ പ്രത്യേകമായി ലക്ഷ്യമിടുന്നു, കൂടാതെ മുജാഹിദ്ദീനുകളെ ജിഹാദിലേക്ക് റിക്രൂട്ട് ചെയ്യുന്നതുമായി ബന്ധപ്പെട്ട രേഖകളും പ്രചരിപ്പിച്ചു,” എൻഐഎ പറഞ്ഞു, തിങ്കളാഴ്ച നടന്ന റെയ്ഡുകൾ ഇന്ത്യയ്‌ക്കെതിരായ ഐഎസിന്റെ വൻ ഗൂഢാലോചന നശിപ്പിക്കാനുള്ള ശ്രമങ്ങളുടെ ഭാഗമാണെന്ന് കൂട്ടിച്ചേർത്തു.

ലഷ്‌കര്‍-ഇ-തൊയ്ബ ഭീകരന്‍ തടവുകാരെ തീവ്രവാദികളാക്കിയതുമായി ബന്ധപ്പെട്ട കേസില്‍ കര്‍ണാടകയിലെ ബെംഗളൂരുവിലുടനീളം ഒന്നിലധികം സ്ഥലങ്ങളില്‍ എന്‍ഐഎ റെയ്ഡ് നടത്തിയതിന് ദിവസങ്ങള്‍ക്ക് ശേഷമാണ് ഈ നീക്കം. കേസില്‍ എന്‍ഐഎ തുടരുന്ന അന്വേഷണത്തിന്റെ ഭാഗമായി ഡിസംബര്‍ 13ന് കേസില്‍ ഒരാള്‍ ഒളിവിലുള്ള നാല് പ്രതികളുടെ വീടുകള്‍ ഉള്‍പ്പെടെ ആറ് സ്ഥലങ്ങളില്‍ വിപുലമായ തിരച്ചില്‍ നടത്തി.