സഞ്ചാര വിലക്കില്ല... സംസ്ഥാനത്ത് കോവിഡ് കേസുകള് വര്ധിച്ച സാഹചര്യത്തില് കേരള അതിര്ത്തികളില് കര്ണാടക പനി പരിശോധന നിര്ബന്ധമാക്കി...
സഞ്ചാര വിലക്കില്ല... സംസ്ഥാനത്ത് കോവിഡ് കേസുകള് വര്ധിച്ച സാഹചര്യത്തില് കേരള അതിര്ത്തികളില് കര്ണാടക പനി പരിശോധന നിര്ബന്ധമാക്കി...
ദക്ഷിണ കന്നഡ, കുടക് ജില്ലകളിലെ കേരള അതിര്ത്തികളിലാണ് കര്ണാടക പനി പരിശോധന നിര്ബന്ധമാക്കിയത്.
അതേസമയം കോവിഡിന്റെ പേരില് ഇരു സംസ്ഥാനങ്ങളിലേക്കും തിരിച്ചും സഞ്ചാര വിലക്ക് ഏര്പ്പെടുത്തിയിട്ടില്ല. കുടകില് കണ്ണൂര്, വയനാട് ജില്ല അതിര്ത്തികളിലും ദക്ഷിണ കന്നഡ ജില്ലയില് തലപ്പാടി അടക്കം കാസര്കോട് ജില്ല അതിര്ത്തികളിലുമാണ് പരിശോധന. അതിനിടെ, കോവിഡ് വ്യാപനത്തിന്റെ പശ്ചാത്തലത്തില് കേരളത്തില് ആശുപത്രികളില് മാസ്ക് ഉപയോഗിക്കാന് നിര്ദേശിച്ചു. ആരോഗ്യപ്രവര്ത്തകരും ആശുപത്രികളില് എത്തുന്ന രോഗികളും മാസ്ക് ഉപയോഗിക്കണമെന്നാണ് നിര്ദേശമുള്ളത്.
മാസ്ക് നിര്ബന്ധമാക്കിയിട്ടില്ലെങ്കിലും മുന്കരുതലിന്റെ ഭാഗമായും രോഗ വ്യാപനം തടയാനുമാണിതെന്നാണ് നിര്ദ്ദേശം. കോവിഡ് വ്യാപനം നിയന്ത്രണ വിധേയമാണെന്ന് ഉന്നതതല യോഗം വിലയിരുത്തി. അനാവശ്യ ഭീതി വേണ്ടെന്നും കടുത്ത നിയന്ത്രണങ്ങള് ആവശ്യമില്ലെന്നും യോഗം വ്യക്തമാക്കി. എറണാകുളം, തിരുവനന്തപുരം ജില്ലകളിലാണ് കോവിഡ് കേസുകളില് വര്ധനവുള്ളത്. ഇവിടങ്ങളില് പ്രത്യേക ശ്രദ്ധ ആവശ്യമാണെന്നും യോഗത്തില് നിര്ദേശമുയര്ന്നിട്ടുണ്ട്.
"
https://www.facebook.com/Malayalivartha
