ഏറ്റുമുട്ടലിനൊടുവില്‍..... ജമ്മു കശ്മീരിലെ കത്വയിലെ മെഡിക്കല്‍ കോളജ് ആശുപത്രിയ്ക്ക് സമീപം പൊലീസുമായുള്ള വെടിവെപ്പില്‍ ഗുണ്ടാത്തലവന്‍ കൊല്ലപ്പെട്ടു....ഏറ്റുമുട്ടലില്‍ പരുക്കേറ്റ പോലീസ് ഓഫീസറും മരിച്ചു
ഏറ്റുമുട്ടലിനൊടുവില്‍..... ജമ്മു കശ്മീരിലെ കത്വയിലെ മെഡിക്കല്‍ കോളജ് ആശുപത്രിയ്ക്ക് സമീപം പൊലീസുമായുള്ള വെടിവെപ്പില്‍ ഗുണ്ടാത്തലവന്‍ കൊല്ലപ്പെട്ടു. ഏറ്റുമുട്ടലിനിടെ പരിക്കേറ്റ പൊലീസ് ഓഫിസറും മരിച്ചു.
തലയ്ക്ക് ഗുരുതരമായി പരുക്കേറ്റ എസ്.ഐ ദീപക് ശര്‍മ്മയാണ് ചികിത്സക്കിടെ ഇന്ന് രാവിലെ മരണത്തിന് കീഴടങ്ങിയത്. മറ്റൊരു ഉദ്യോഗസ്ഥന് പരിക്കേല്‍ക്കുകയും ചെയ്തു.
കൊലപാതക കേസിലെ പ്രധാന പ്രതിയായ ഗുണ്ടാത്തലവന്‍ വാസുദേവിനെയാണ് പൊലീസ് ഏറ്റുമുട്ടലില്‍ വധിച്ചത്. പൊലീസിന് ലഭിച്ച രഹസ്യ വിവരത്തെ തുടര്‍ന്ന് ഇയാളെ പിന്തുടരുകയായിരുന്നു.
ചൊവ്വാഴ്ച രാത്രി 10.30ഓടെ മെഡിക്കല്‍ കോളജ് ആശുപത്രിയ്ക്ക് സമീപത്തുവെച്ചാണ് വെടിവെപ്പ് ഉണ്ടായത്. വാസുദേവ് മരിക്കുകയും കൂട്ടാളികളില്‍ ഒരാള്‍ക്ക് വെടിയേറ്റു .
തിരിച്ചുണ്ടായ വെടിവെപ്പില്‍ എസ്.ഐ ദീപക് ശര്‍മയ്ക്കും സ്‌പെഷ്യല്‍ ഓഫിസര്‍ അനില്‍ കുമാറിനും പരിക്കേല്‍ക്കുകയായിരുന്നു. ഇവരെ ആദ്യം കത്വയിലെ മെഡിക്കല്‍ കോളജിലും തുടര്‍ന്ന് പത്താന്‍കോട്ടിലെ അമന്‍ദീപ് ആശുപത്രിയിലേക്കും മാറ്റി.
എന്നാല്‍, ദീപക് ശര്‍മ ഇന്ന് രാവിലെ മരിക്കുകയായിരുന്നു. മൃതദേഹം കത്വത്തിലെ മെഡിക്കല്‍ കോളജ് ആശുപത്രിയിലേക്ക് മാറ്റിയിരിക്കുകയാണ്.
https://www.facebook.com/Malayalivartha
