റെയ്ഡില് നവജാതശിശുക്കളെ കടത്തുന്ന സംഘത്തിലെ 7 പേര് അറസ്റ്റില്
നവജാതശിശുക്കളെ ലക്ഷ്യമിട്ടുള്ള സിബിഐ റെയ്ഡില് ഡല്ഹിയില് 7 പേര് അറസ്റ്റില്. ഡല്ഹിയിലെ ഏഴ് സ്ഥലങ്ങളിലായാണ് റെയ്ഡ് നടന്നത്. റെയ്ഡില് മൂന്ന് നവജാത ശിശുക്കളെ രക്ഷപ്പെടുത്താനായെന്ന് സിബിഐ അറിയിച്ചു. കുഞ്ഞുങ്ങളെ രക്ഷിക്കുന്നതിന്റെ ദൃശ്യങ്ങളും പുറത്തുവന്നിട്ടുണ്ട്.
സമൂഹ മാധ്യമങ്ങള് കേന്ദ്രീകരിച്ചാണ് കുട്ടിക്കടത്ത് സംഘങ്ങള് പ്രവര്ത്തിക്കുന്നത് എന്നാണ് അന്വേഷണസംഘത്തിന്റെ നിഗമനം. സമൂഹ മാധ്യമങ്ങള് വഴി ആവശ്യക്കാരെന്നു പറഞ്ഞാണ് സിബിഐ സംഘം റാക്കറ്റുകളെ സമീപിച്ചത്. ഒരു നവജാത ശിശുവിനായി 4 മുതല് 6 ലക്ഷം രൂപ വരെയാണ് ഇവര് വാങ്ങുന്നത്. നവജാത ശിശുക്കളെ വാങ്ങി മറിച്ചുവില്ക്കുകയാണ് ഇവര് ചെയ്തുവരുന്നത്.
സംഭവവുമായി ബന്ധപ്പെട്ട് വരുംദിവസങ്ങളില് കൂടുതല് അറസ്റ്റുണ്ടാകുമെന്നാണ് സിബിഐ വൃത്തങ്ങള് നല്കുന്ന സൂചന. കഴിഞ്ഞ മാസം മാത്രം പത്ത് കുട്ടികളെയാണ് ഇവര് വിറ്റത്.
https://www.facebook.com/Malayalivartha