ആം ആദ്മിക്ക് കൂടുതല് പ്രഹരമേല്പ്പിച്ച് ഡല്ഹി മന്ത്രി രാജ് കുമാര് ആനന്ദ് രാജിവച്ചു
ആം ആദ്മിക്ക് വന് തിരിച്ചടി. ഡല്ഹി മന്ത്രി രാജ് കുമാര് ആനന്ദ് രാജിവച്ചു. പാര്ട്ടിയിലെ അംഗത്വവും ഇയാള് രാജിവച്ചിട്ടുണ്ട്. പാര്ട്ടിയില് മുഴുവന് അഴിതിയാണെന്ന് ആരോപിച്ചാണ് രാജ് കുമാര് ആനന്ദിന്റെ രാജി. ഡല്ഹി തൊഴില്, പിന്നാക്ക വികസനവകുപ്പ് മന്ത്രിയാണ് രാജ് കുമാര്.
''അഴിമതിക്കെതിരെ ശക്തമായ പോരാട്ടമുണ്ടാകുമെന്ന സന്ദേശം ജനിപ്പിച്ചതിനാലാണ് ഈ പാര്ട്ടിയില് ചേരാന് എന്നെ പ്രേരിപ്പിച്ചത്. എന്നാല് ഇന്ന് ഈ പാര്ട്ടി തന്നെയാണ് അഴിമതിയുടെ പ്രധാന കേന്ദ്രമായി മാറിയിരിക്കുന്നത്. അതുകൊണ്ടാണ് പുറത്തുപോകാന് തീരുമാനിച്ചതും''-രാജ് കുമാര് ആനന്ദ് പ്രതികരിച്ചു. ദളിത് വിഭാഗത്തില് നിന്ന് ഒരു എംഎല്എയോ കൗണ്സിലറോ ആം ആദ്മി പാര്ട്ടിക്കില്ല. ഉത്തരവാദിത്തപ്പെട്ട പദവികളിലൊന്നും ദളിത് വിഭാഗത്തിന് പ്രാതിനിധ്യമില്ല.
അംബേദ്കറിന്റെ തത്വങ്ങള് പിന്തുടരുന്നയാളാണ് താനെന്നും രാജ് കുമാര് പ്രതികരിച്ചു.പട്ടേല് നഗറില് നിന്നുള്ള എംഎല്എയാണ് രാജ് കുമാര്. ആം ആദ്മി പാര്ട്ടിയില് നിന്ന് രാജി വയ്ക്കുന്ന ആദ്യ മന്ത്രിയാണ് ഇദ്ദേഹം.കഴിഞ്ഞ ദിവസമാണ് ഡല്ഹി മുഖ്യമന്ത്രി അരവിന്ദ് കേജ്രിവാളിന്റെ അറസ്റ്റും, ഇ.ഡി കസ്റ്റഡിയില് വിട്ട വിചാരണക്കോടതി നടപടിയും ശരിവച്ച് ഡല്ഹി ഹൈക്കോടതി ഉത്തരവിട്ടത്.
രണ്ടു നടപടികള്ക്കുമെതിരെ കേജ്രിവാള് സമര്പ്പിച്ച ഹര്ജി ജസ്റ്റിസ് സ്വരാന കാന്ത ശര്മ്മ തള്ളുകയായിരുന്നു. ഇതോടെ കേജ്രിവാള് ജയിലില് തുടരുകയാണ്.കോഴയിടപാടില് കേജ്രിവാളിന്റെ പങ്കിന്റെ തെളിവുകളാണ് ഇ.ഡി ശേഖരിച്ചതെന്ന് ഹൈക്കോടതി നിരീക്ഷിച്ചു. മാപ്പുസാക്ഷികളുടെയും ഹവാല ഇടപാടുകാരുടെയും മൊഴികളുണ്ട്.
https://www.facebook.com/Malayalivartha