ഹരിയാനയിലെ ബഹദൂര്‍ഗഡില്‍ ബഹുനില കെട്ടിടത്തിന്റെ ഏഴാം നിലയില്‍നിന്നു ചാടിയ യുട്യൂബര്‍മാരായ യുവാവും യുവതിയും മരിച്ചു.... പൊലീസ് അന്വേഷണം ആരംഭിച്ചു
ഹരിയാനയിലെ ബഹദൂര്‍ഗഡില്‍ ബഹുനില കെട്ടിടത്തിന്റെ ഏഴാം നിലയില്‍നിന്നു ചാടിയ യുട്യൂബര്‍മാരായ യുവാവും യുവതിയും മരിച്ചു. ഗര്‍വിത് സിങ് ഗ്യാരി (25), നന്ദിനി കശ്യപ് (22) എന്നിവരാണ് മരിച്ചത്. ഇരുവരും ലിവ്ഇന്‍ റിലേഷന്‍ഷിപ്പിലായിരുന്നു. സമൂഹമാധ്യമങ്ങളില്‍ ഇവര്‍ക്ക് ആരാധകരേറെയുണ്ട്.
ധാരാളം ഷോര്‍ട്ട് ഫിലിമുകള്‍ നിര്‍മിച്ച ഇവര്‍ ഷൂട്ടിങിനിടെയുണ്ടായ തര്‍ക്കത്തെത്തുടര്‍ന്നാണ് കെട്ടിടത്തിന്റെ മുകളില്‍ നിന്ന് ചാടിയതെന്നാണ് സൂചന.
കുറച്ച് ദിവസങ്ങള്‍ക്കു മുമ്പാണ് ഗര്‍വിതും നന്ദിനിയും അവരുടെ ടീമിനൊപ്പം ഡെറാഡൂണില്‍നിന്നും ഹരിയാനിലെ ബഹദൂര്‍ഗഡിലേക്ക് താമസം മാറിയത്. റുഹീല റെസിഡന്‍സിയുടെ ഏഴാം നിലയില്‍ ഒരു ഫ്ലാറ്റ് വാടകയ്‌ക്കെടുത്ത് അഞ്ച് സഹപ്രവര്‍ത്തകര്‍ക്കൊപ്പം താമസിക്കുകയായിരുന്നു.
. കഴിഞ്ഞദിവസം ഷൂട്ടിങ്ങിനു ശേഷം രാത്രി വൈകിയാണ് ഇരുവരും ഫ്ളാറ്റിലെത്തിയത്. പൊലീസ് അന്വേഷണം തുടങ്ങി.
https://www.facebook.com/Malayalivartha
