പ്രധാനമന്ത്രി നരേന്ദ്ര മോദിക്ക് പിന്നാലെ മുഖ്യമന്ത്രി പിണറായി വിജയനെ വിമര്ശിച്ച് രാഹുല് ഗാന്ധി
പ്രധാനമന്ത്രി നരേന്ദ്ര മോദിക്ക് പിന്നാലെ മുഖ്യമന്ത്രി പിണറായി വിജയനെ വിമര്ശിച്ച് രാഹുല് ഗാന്ധി. തന്നെ ആക്രമിച്ച ബി.ജെ.പി സര്ക്കാര് എന്തുകൊണ്ടാണ് കേരളത്തിലെ മുഖ്യമന്ത്രിയെ ആക്രമിക്കാത്തതെന്ന് രാഹുല് ഗാന്ധി ചോദിച്ചു. എന്തുകൊണ്ടാണ് കേരള മുഖ്യമന്ത്രിക്ക് പിന്നാലെ കേന്ദ്ര ഏജന്സികള് പോകാത്തത്? ജ്യത്തെ 2 മുഖ്യമന്ത്രിമാര് ജയിലില് പോയിട്ടും കേരളത്തിലെ മുഖ്യമന്ത്രിയെ ബിജെപി സര്ക്കാര് തൊട്ടിട്ടില്ല. പ്രധാനമന്ത്രി നരേന്ദ്ര മോദിക്കെതിരേ പറയാന് പിണറായി മടിക്കുന്നു. ഇടവേളകളില്ലാതെ താന് സംഘപരിവാര് ആശയങ്ങളെ കടന്നാക്രമിച്ചു. പാര്ലമെന്റില് നിന്ന് തന്റെ പ്രസംഗം നീക്കം ചെയ്തെന്നും രാഹുല് ചൂണ്ടികാട്ടി. വയനാട് ലോക്സഭ മണ്ഡലത്തില് തിരഞ്ഞെടുപ്പ് പ്രചരണത്തിനിടെയാണ് രാഹുല് സിപിഎം - ബിജെപി ബന്ധം ആരോപിച്ചത്.
രാജ്യത്ത് കുറച്ച് അതി സമ്പന്നരെ സൃഷ്ടിച്ചത് മാത്രമാണ് മോദിയുടെ നേട്ടം. ബി ജെ പിക്ക് പണം കൊടുത്ത കമ്പനികള്ക്ക് നിരവധി കേന്ദ്ര പദ്ധതികള് ലഭിച്ചു. ലോകം കണ്ട ഏറ്റവും വലിയ തീവെട്ടി കൊള്ളയാണ് ഇലക്ടറല് ബോണ്ട്. അത് പ്രധാനമന്ത്രി നേതൃത്വം നല്കിയ കൊള്ളയാണ്. ഇലക്ടറല് ബോണ്ട് വിവരങ്ങള് പുറത്ത് വരാതിരിക്കാന് ബി ജെ പിയും പ്രധാനമന്ത്രിയും പരമാവധി ശ്രമിച്ചെന്നും രാഹുല് കുറ്റപ്പെടുത്തി. കോണ്ഗ്രസ് അധികാരത്തില് എത്തിയാല് സ്ത്രീ ശാക്തീകരണം സാധ്യമാക്കുമെന്നും രാഹുല് ആവര്ത്തിച്ചു.
ഇതിനിടെ കേരളത്തിലും കേന്ദ്രത്തിലും കോണ്ഗ്രസ് അധികാരത്തില് തിരിച്ചെത്തുമെന്നും എല്ലാ പ്രശ്നങ്ങളും പരിഹരിക്കുമെന്നും രാഹുല് ഗാന്ധി പറഞ്ഞു. കോണ്ഗ്രസ് അധികാരത്തില് ഇല്ലാത്തത് വികസനത്തെ ബാധിച്ചുവെന്ന് അദ്ദേഹം പറഞ്ഞു. 'ഒരു രാജ്യം, ഒരു ഭാഷ, ഒരു നേതാവ് എന്നാണ് ബിജെപി പറയുന്നത്. ഇത് നമ്മുടെ രാജ്യത്തെ കുറിച്ചുള്ള അടിസ്ഥാനപരമായ തെറ്റിദ്ധാരണയാണ്. ഭാഷ എന്നത് മുകളില് നിന്നും അടിച്ചേല്പ്പിക്കാവുന്നതല്ല. ഭാഷ എന്നത് മനുഷ്യന്റെ ഹൃദയത്തില് നിന്നും ഉരുത്തിരിഞ്ഞ് വരുന്നതാണ്. മലയാളം ഹിന്ദിയേക്കാന് ചെറുതാണെന്ന് പറഞ്ഞാല് അത് മലയാളികളെ അപമാനിക്കുന്നതാണ്. ഓരോ ഭാഷയും അതാത് സംസ്കാരവുമായി ചേര്ന്നു നില്ക്കുന്നതാണ്' രാഹുല് ഗാന്ധി പറഞ്ഞു.
കേരളാ-കര്ണാടക റോഡിലെ രാത്രിയാത്ര നിരോധനം പരിഹരിക്കാന് താന് ബാധ്യസ്ഥനാണെന്നും നിരവധി തവണ ഇക്കാര്യത്തില് പ്രധാനമന്ത്രിക്ക് കത്തെഴുതിയെന്നും വിഷയം പരിഹരിക്കാന് സമ്മര്ദം ചെലുത്തുന്നുണ്ടെന്നും അദ്ദേഹം പറഞ്ഞു. വയനാട്ടിലേക്ക് വരുമ്പോള് വീട്ടിലേക്ക് വന്ന തന്നലാണെന്നും വയനാട്ടിലെ ഓരോ വ്യക്തിയും എന്റെ കുടുംബത്തിലെ അംഗങ്ങളെ പോലെയാണെന്നും എന്റെ അമ്മയോട് ഒരാഴ്ച ഇവിടെ വരാന് നിര്ബന്ധിക്കുമെന്നും രാഹുല് ഗാന്ധി പറഞ്ഞു. കോണ്ഗ്രസ് കേന്ദ്രത്തില് വന്നാല് നിലമ്പൂര് റെയില്വെ സ്റ്റേഷന്റെ വികസനം നടപ്പാക്കുമെന്നും അദ്ദേഹം പറഞ്ഞു.
https://www.facebook.com/Malayalivartha