ലോക്സഭ തെരഞ്ഞെടുപ്പിന്റെ ആദ്യഘട്ട പോളിങ് ഇന്ന്... 21 സംസ്ഥാനങ്ങളിലായി 102 സീറ്റുകളിലേക്കാണ് ഇന്ന് തെരഞ്ഞെടുപ്പ് നടക്കുക
രാജ്യം കാത്തിരുന്ന ലോക്സഭ തെരഞ്ഞെടുപ്പിന്റെ ആദ്യഘട്ട പോളിങ് ഇന്ന് നടക്കും. 21 സംസ്ഥാനങ്ങളിലായി 102 സീറ്റുകളിലേക്കാണ് ഇന്ന് തെരഞ്ഞെടുപ്പ് നടക്കുക. ഏപ്രില് 19 ന് ആരംഭിക്കുന്ന തെരഞ്ഞെടുപ്പ് ജൂണ് ഒന്ന് വരെയാണ് നടക്കുന്നത്. ആദ്യഘട്ട തെരഞ്ഞെടുപ്പ് നടക്കുന്ന മണ്ഡലങ്ങളില് പരസ്യപ്രചാരണം കഴിഞ്ഞദിവസം അവസാനിച്ചിരുന്നു.
രാജ്യത്തെ ആകെയുള്ള 543 ലോക്സഭാ സീറ്റുകളിലേയ്ക്ക് ഏഴുഘട്ടങ്ങളിലായാണ് തെരഞ്ഞെടുപ്പ് നടക്കുക.ആദ്യഘട്ട തിരഞ്ഞെടുപ്പിലാണ് ഏറ്റവും കൂടുതല് സീറ്റുകളിലേയ്ക്കും ഏറ്റവും അധികം സംസ്ഥാനങ്ങളിലും തെരഞ്ഞെടുപ്പ് നടക്കുന്നത്. ആദ്യഘട്ടത്തില് എട്ട് കേന്ദ്ര മന്ത്രിമാര് രണ്ട് മുന് മുഖ്യമന്ത്രിമാര് ഒരു മുന് ഗവര്ണര് എന്നിവരടക്കം 1625 സ്ഥാനാര്ത്ഥികളാണ് മത്സരരംഗത്തുള്ളത്. വോട്ടെടുപ്പിനുളള സജ്ജീകരണങ്ങള് പൂര്ത്തിയാക്കിയതായി തെരഞ്ഞെടുപ്പ് കമ്മീഷന് അറിയിച്ചു.
https://www.facebook.com/Malayalivartha