തിരിച്ചടി പ്രതീക്ഷിച്ചില്ല... അറസ്റ്റിലായ ദില്ലി മുഖ്യമന്ത്രി അരവിന്ദ് കെജ്രിവാളിനെതിരെ വിചാരണ കോടതിയില് ശക്തമായ വാദവുമായി ഇഡി; പ്രമേഹം കൂട്ടാന് ജയിലിലിരുന്ന് മാമ്പഴവും മറ്റ് മധുരങ്ങളും കഴിക്കുന്നു; തിരിച്ച് ആരോപണവുമായി ആം ആദ്മി പാര്ട്ടി; കെജ്രിവാളിനെ ജയിലില് കൊലപ്പെടുത്താന് ഗൂഢാലോചന
അറസ്റ്റിലായ ദില്ലി മുഖ്യമന്ത്രി അരവിന്ദ് കെജ്രിവാളിനെച്ചൊല്ലി ഇഡിയും ആംആദ്മി പാര്ട്ടിയും അടി തുടരുകയാണ്. ജാമ്യത്തെ ചൊല്ലിയാണ് ഇഡിയും ആംആദ്മി പാര്ട്ടിയും നേരിട്ട് രംഗത്തെത്തുന്നത്. അരവിന്ദ് കെജ്രിവാളിനെതിരെ വിചാരണ കോടതിയില് ശക്തമായ വാദവുമായി ഇഡി രംഗത്തെത്തി.
കെജ്രിവാള് ജയിലിനുള്ളിലിരുന്ന് മാമ്പഴം അടക്കം, മധുരമുള്ള ഭക്ഷണം അമിതമായി കഴിച്ച് പ്രമേഹം കൂട്ടാന് ശ്രമിക്കുന്നുവെന്നാണ് ഇഡി കോടതിയെ അറിയിച്ചിരിക്കുന്നത്. ജാമ്യം ലഭിക്കുന്നതിനായാണ് കെജ്രിവാള് ഇത് ചെയ്യുന്നതെന്നും ഇഡി കോടതിയെ അറിയിച്ചു. ഇതോടെ കെജ്രിവാളിന് ജയിലില് നല്കുന്ന ഭക്ഷണവുമായി ബന്ധപ്പെട്ട വിശദാംശങ്ങള് കോടതി, ഇഡിയോട് തേടി. ഇത് സംബന്ധിച്ച വിവരങ്ങള് ഇഡി സമര്പ്പിച്ചുവെന്നാണ് സൂചന.
വീഡിയോ കോണ്ഫറന്സിലൂടെ ഡോക്ടറെ കാണാനുള്ള സൗകര്യവും ദിവസവും പ്രമേഹം പരിശോധിക്കാനുള്ള സൗകര്യവും നല്കണമെന്നാവശ്യപ്പെട്ട് കെജ്രിവാള് സമര്പ്പിച്ച ഹര്ജി പരിഗണിക്കുകയായിരുന്നു കോടതി. ഹര്ജി വീണ്ടും നാളെ പരിഗണിക്കും. മദ്യനയക്കേസില് ഇഡി അറസ്റ്റിലായത് മുതല് തന്നെ ആരോഗ്യനിലയില് പ്രശ്നങ്ങളുണ്ടെന്നത് കെജ്രിവാളും കുടുംബവും ആം ആദ്മി പ്രവര്ത്തകരുമെല്ലം ഉയര്ത്തിക്കാട്ടുന്നുണ്ട്. പ്രമേഹം തന്നെയാണ് ഇവര് പ്രധാന പ്രശ്നമായി ചൂണ്ടിക്കാട്ടിയിട്ടുള്ളത്.
അതിനിടെ മദ്യ നയ കേസില് അറസ്റ്റിലായ ദില്ലി മുഖ്യമന്ത്രി അരവിന്ദ് കെജ്രിവാളിനെ ജയിലില് വച്ച് കൊലപ്പെടുത്താനുള്ള ഗൂഢാലോചന നടക്കുന്നതായി ആം ആദ്മി പാര്ട്ടി നേതാവും മന്ത്രിയുമായ അതിഷി പറഞ്ഞു. പ്രമേഹം കൂടി, ജാമ്യം ലഭിക്കുന്നതിനായി കെജ്രിവാള് അധികമായി മധുരം കഴിക്കുന്നുവെന്ന് ഇഡി കോടതിയില് ആരോപിച്ചതിന് പിന്നാലെയാണ് ഗുരുതര ആരോപണവുമായി ആം ആദ്മി പാര്ട്ടി രംഗത്തെത്തിയിരിക്കുന്നത്.
ഗൗരവമായ നിലയില് പ്രമേഹബാധിതനായ കെജ്രിവാളിന് ഇന്സുലിന് നിര്ബന്ധമാണ്, എന്നാല് അദ്ദേഹത്തിന് ഇന്സുലിന് നല്കുന്നില്ലെന്നും അതിഷി പറഞ്ഞു. പ്രമേഹം കൂടാന് കെജ്രിവാള് ജയിലില് വച്ച് അമിതമായി മധുരം കഴിക്കുന്നുവെന്ന ഇഡി വാദം അടിസ്ഥാനരഹിതമാണ്, അത് കള്ളമാണെന്നും ആം ആദ്മി ചൂണ്ടിക്കാട്ടുന്നു.
ആരോഗ്യ പ്രശ്നങ്ങളുള്ളതിനാലാണ് വീട്ടില് നിന്ന് തയ്യാറാക്കുന്ന ഭക്ഷണം നല്കാന് നിര്ദേശിക്കുന്നത്. എന്നാല് ഇതിനും അനുവദിക്കുന്നില്ല. ഇത്തരത്തില് ജയിലില് വച്ച് തന്നെ കെജ്രിവാളിനെ അപകടപ്പെടുത്താനാണ് നീക്കമെന്നാണ് വീഡിയോ പ്രസ് മീറ്റിലൂടെ അതിഷി ആരോപിക്കുന്നത്.
അതിനിടെ ഡല്ഹി മദ്യനയക്കേസില് തിഹാര് ജയിലില് കഴിയുന്ന ഡല്ഹി മുഖ്യമന്ത്രി അരവിന്ദ് കെജ്രിവാള് പൊതുജനങ്ങക്കായി നല്കിയ സന്ദേശം പങ്കുവെച്ച്ആം ആദ് ആദ്മി പാര്ട്ടി നേതാവ് സഞ്ജയ് സിങ്. 'എന്റെ പേര് അരവിന്ദ് കെജ്രിവാള്, ഞാന് തീവ്രവാദയല്ല' എന്ന സന്ദേശമാണ് അദ്ദേഹം നല്കിയതെന്ന് സിങ് വാര്ത്താ സമ്മേളനത്തില് പറഞ്ഞു.
ബി.ജെ.പി പ്രതികാരം ചെയ്യുകയാണെന്നും കെജ്രിവാള് ഇതിനെയെല്ലാം മറികടന്ന് പുറത്ത് വരുമെന്നും അദ്ദേഹം കൂട്ടിച്ചേര്ത്തു. തിഹാര് ജയിലിലുള്ള കൊടും കുറ്റവാളികള്ക്കുവരെ ഭാര്യയെയും അഭിഭാഷകനെയും കാണാനുള്ള അനുമതി കിട്ടാറുണ്ട്. എന്നാല്, കെജ്രിവാളിനെ കാണാന്പോയ പഞ്ചാബ് മുഖ്യമന്ത്രി ഭഗവന്ദ് മന്നിന് ഗ്ലാസ്സ് പാളിയുടെ പിന്നില്നിന്ന് സംസാരിക്കേണ്ടി വന്നുവെന്നും സഞ്ജയ് സിങ് പറഞ്ഞു.
കൊടും കുറ്റവാളികള്ക്ക് കിട്ടുന്ന സൗകര്യങ്ങള് പോലും കെജ്രിവാളിന് കിട്ടിന്നില്ലെന്ന് തിങ്കളാഴ്ച തിഹാര് ജയില് സന്ദര്ഷിച്ച പഞ്ചാബ് മുഖ്യമന്ത്രി വിമര്ശിച്ചിരുന്നു. ഇതിനുപിന്നാല ജയില് അധികൃതര് വിശദീകരണവുമായി രംഗത്തെത്തിയിരുന്നു. തടവുകാരെ പക്ഷാപാതത്തോടെയല്ല നോക്കുന്നത്. അവകാശങ്ങള് എല്ലാവര്ക്കും തുല്യമാണ്. കൊടും കുറ്റവാളിയെന്നും കുറ്റവാളിയെന്നുമുള്ള വേര്തിരിവില്ലെന്നും ജയില് ചുമതലയുള്ള ഡയറക്ടര് ജനറല് സഞ്ചെയ് ബനിിവാള് വിശദീകരിച്ചു.
"
https://www.facebook.com/Malayalivartha