പതിനെട്ടാം ലോക്സഭാ തെരഞ്ഞെടുപ്പിന്റെ ആദ്യഘട്ട വോട്ടെടുപ്പില് ബംഗാളില് ഉയര്ന്ന പോളിങ്.... 102 മണ്ഡലങ്ങളിലായി 1625 സ്ഥാനാര്ത്ഥികളാണ് ഒന്നാം ഘട്ടത്തില് ജനവിധി തേടുന്നത്
പതിനെട്ടാം ലോക്സഭാ തെരഞ്ഞെടുപ്പിന്റെ ആദ്യഘട്ട വോട്ടെടുപ്പ് ആരംഭിച്ചു. 21 സംസ്ഥാനങ്ങളിലും കേന്ദ്രഭരണപ്രദേശങ്ങളിലും ഉള്പ്പെടെ 102 മണ്ഡലങ്ങളിലാണ് ജനവിധി. അരുണാചല്പ്രദേശ്, സിക്കിം എന്നിവിടങ്ങളിലായി 92 നിയമസഭാ സീറ്റിലേക്കും ഇന്ന് വോട്ടെടുപ്പ് നടക്കുന്നുണ്ട്.
തമിഴ്നാട്ടില് ഒമ്പത് മണിവരെ 12.55 ശതമാനം പോളിങ്..ഏറ്റവും കൂടുതല് പോളിങ് നടന്നത് കള്ളകുറിച്ചിയില് 15.10 ശതമാനം. ചെന്നൈ സെന്ട്രലില് പോളിങ് കുറവ് 8.59 ശതമാനം. അരുണാചലില് ഒമ്പത് മണിവരെ 6.44 ശതമാനം പോളിങ് രേഖപ്പെടുത്തി. സിക്കിമില് 7.9 ശതമാനം പോളിങ ്രേഖപ്പെടുത്തി. ഉത്തരാഖണ്ഡിലെ അല്മോറയിലെ ഗ്രാമത്തില് റോഡില്ലാത്തതിന്റെ പേരില് വോട്ടര്മാര് വോട്ടെടുപ്പ് ബഹിഷ്കരിച്ചു
അരുണാചല്പ്രദേശ് (രണ്ട്), അസം (അഞ്ച്), ബിഹാര് (നാല്), മധ്യപ്രദേശ് (ആറ്), മഹാരാഷ്ട്ര (അഞ്ച്), മണിപ്പുര് (രണ്ട്), രാജസ്ഥാന് (13), മേഘാലയ (രണ്ട്), തമിഴ്നാട് (39), ഉത്തരാഖണ്ഡ് (അഞ്ച്), ബംഗാള് (മൂന്ന്), ഉത്തര്പ്രദേശ് (എട്ട്), ഛത്തീസ്ഗഢ്, ലക്ഷദ്വീപ്, അന്തമാന് നിക്കോബാര്, ജമ്മു-കശ്മീര്, മിസോറം, നാഗാലാന്ഡ്, പുതുച്ചേരി, സിക്കിം, ത്രിപുര (ഒന്നുവീതം മണ്ഡലങ്ങള്) എന്നിങ്ങനെയാണ് ആദ്യഘട്ടം വോട്ടെടുപ്പ് നടക്കുന്നത്.
ആദ്യ ഘട്ടത്തില് ഉള്പ്പെട്ട തമിഴ്നാട്ടില്, 39 മണ്ഡലങ്ങളിലായി 950 സ്ഥാനാര്ത്ഥികളാണ് ജനവിധി തേടുന്നത്. പോളിംഗ് ആരംഭിച്ച രാവിലെ 7 മുതല് തന്നെ ജനം പോളിംഗ് ബൂത്തിലേക്ക് എത്തിത്തുടങ്ങി. പ്രമുഖരില് പലരും രാവിലെ തന്നെ വോട്ട് രേഖപ്പെടുത്തി.
മുന് കേന്ദ്രമന്ത്രി പി.ചിദംബരം, ബിജെപി സംസ്ഥാന അധ്യക്ഷന് കെ.അണ്ണാമലൈ, സിനിമാ താരങ്ങളായ രജനികാന്ത്, അജിത്ത്, കമല് ഹാസന്, ഖുഷ്ബു, ശിവകാര്ത്തികേയന് സംഗീത സംവിധായകന് ഇളയരാജ തുടങ്ങിയ പ്രമുഖരെല്ലാം രാവിലെ തന്നെ വോട്ട് രേഖപ്പെടുത്തി.
"
https://www.facebook.com/Malayalivartha