ജമ്മു കശ്മീരിലെ രജൗരിയില്‍ സൈനികന്റെ സഹോദരന്‍ ഭീകരരുടെ വെടിയേറ്റ് മരിച്ചു.തിങ്കളാഴ്ച രാത്രി ജമ്മു കശ്മീരിലെ രജൗരി ജില്ലയിലാണ് സംഭവം. ഒരാള്‍ ഭീകരരുടെ വെടിയേറ്റ് മരിച്ചതായി അധികൃതര്‍ അറിയിച്ചു. ഇരയായ അബ്ദുല്ല റസാഖ് താനമണ്ടി പോലീസ് സ്റ്റേഷന്‍ പരിധിയിലെ തന്റെ ഗ്രാമമായ കുന്ദ ടോപ്പിലെ ഒരു പള്ളിയില്‍ നിന്ന് പുറത്തിറങ്ങിയപ്പോഴാണ് സംഭവം.

റസാഖിന്റെ സഹോദരന്‍ ടെറിട്ടോറിയല്‍ ആര്‍മിയില്‍ സൈനികനാണ്. അടുത്തുനിന്നാണ് ഭീകരര്‍ വെടിയുതിര്‍ത്തതെന്ന് ഉദ്യോഗസ്ഥര്‍ പറഞ്ഞു. സുരക്ഷാ ഉദ്യോഗസ്ഥര്‍ സംഭവസ്ഥലത്തെത്തുകയും ഭീകരരെ കണ്ടെത്തുന്നതിനായി വന്‍ തിരച്ചില്‍ നടത്തുകയും ചെയ്തു.