പത്താന്‍കോട്ട് ഭീകരാക്രമണത്തിന്റെ സൂത്രധാരന്‍ മൗലാന അസര്‍ മസൂദ് അറസ്റ്റിലായിട്ടില്ലെന്ന് ഇന്ത്യന്‍ രഹസ്യാന്വേഷണ ഏജന്‍സികള്‍. പത്താന്‍കോട്ട് വ്യോമതാവളത്തില്‍ ഉണ്ടായ ഭീകരാക്രമണത്തിനുശേഷം ഇന്ത്യയുടെ കടുത്ത സമ്മര്‍ദ്ദത്തെ തുടര്‍ന്ന് മൗലാന അസര്‍ മസൂദിനെ അറസ്റ്റ് ചെയ്തതായി റിപ്പോര്‍ട്ടുകള്‍ പുറത്തുവന്നിരുന്നു. എന്നാല്‍ പാക്കിസ്ഥാന്റെ ഭാഗത്തുനിന്ന് ഇതിനെസംബന്ധിച്ച് ഇന്ത്യയ്ക്ക് ഔദ്യോഗികമായി അറിയിപ്പ് ലഭിച്ചിരുന്നില്ല. അതിനുശേഷം മൗലാന അസര്‍ മസൂദ് വീട്ടുതടങ്കലിലാണെന്നും ഇയാളുടെ അടുത്ത അനുയായികളായ മൂന്നു പേര്‍ അറസ്റ്റിലായെന്നും റിപ്പോര്‍ട്ടുകളുണ്ടായിരുന്നു. ഈ റിപ്പോര്‍ട്ടുകളെല്ലാം തെറ്റാണെന്നാണ് ഇപ്പോള്‍ രഹസ്യാന്വേഷണ ഏജന്‍സികള്‍ നല്‍കുന്ന സൂചന. 
പത്താന്‍കോട് വ്യോമതാവളത്തില്‍ ഈമാസം രണ്ടിന് ഉണ്ടായ ആക്രമണത്തില്‍ ഏഴു സൈനികരും ആറ് ഭീകരരും കൊല്ലപ്പെട്ടിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha